مـدا خ ــــــل و مـــخ ــارج و (( كل الاماكن ))

مدخل:/

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يا متعب العشاق يسلم لي تعبك = تبت يدين اللي من اهدابك شكى
اقلط بخفاقي و تبشر في طلبك =مافيه غيرك يمه الخافق ركى
انت اول الاحباب والواهب وهبك= من عادني طفل صغير ما حكى
سلهم يغار السيف من سطوة هدبك=لا ذل طرفك يا غلاي ولا بكى
سولف يسيل الدبس من طارف رطبك=الله يعين اللي على الجمر ارتكى

[/poem]

كل الاماكن
/
!

[poem=font="simplified arabic,5,red,bold,normal" bkcolor="transparent" bkimage="" border="double,5,blue" type=0 line=0 align=center use=ex num="0,black""]
كنك تعبت من الغلا و المحبة = كن بخفوقك شيء ودك تقوله
قوله ولا تخشى عتاب و مسبه=قد ذقتها وانا بسن الطفوله
ما انت الوحيد اللي تعبنا نحبه=واقفى تباريه الهقاوي خجوله
قبلك غريرن نصف عمري لعبه=عيا النصيب من النحاسه يطوله
طفلن يصب الشمس مدري تصبه=ريقه عسل والعين عين الجفوله
اليا التفت كل الاماكن تنبه=واليا حكى جميعهم ينصتوا له
واليا مشى يا قوم حبه وحبه =كن التراب يضم ماطا رجوله
هذاك والله جرح قلبي وطبه = هذاك صعبه ينسي بالسهوله
والا انت ياللي ما انت ويا المحبه =قول الكلام اللي ما ودك تقوله
لـكن ترى فرقاك من دون سبه =ماهي مثل فرقا الغزال الجفوله
[/poem]

مخرج:/

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]

الله لنا يا مفحم البال و الهجس = لوكان مالي عن محبتك صده
ارفى معاطيب الحنايا عن اللمس= وابعد عن عيون المشاريه مده
يمكن توارى عن خيالي كما الامس =والا يهون خافقك عن مشده
تلويحة عيونك لـ قلبي تقل همس =همس الشفايف والعواذل مخِده
يا بعد عمري والله اني منك عمس=وان القصيد لطلتك نستجده
تعال واحضني على مفرع الشمس=تكقى محبك يالغلا لا ترده
[/poem]