افخر اني سعودي/هـ وارفع رااآااآااسي لاني من هذه الارض ارض "المملكهـ العربيهـ السعوديهـ"،،،

مدخل

وطني ..
أيها المجد الأبي لا وجود لي إلا بك
ولا كرامة لي إلا بك
وكيف أكون إلا بك
جبالك صدور أمهاتنا شامخة تباهيا بك
وسهولك حضن جدي الحنون
ومهدي الهادي الأمين،،

آلسلآم علييييكم ورحمة آلله وبركآته..

صبآحكم ومسآكم...آلى آلله آقرب

وش رإيكم بالشعور لما تكتبون موضوع طووويل ..وبالاخير تضغطون على 'اعتمد الموضوع'ويطلعلك خطاء في الاتصال..وتضغط تراجع وتطلعلك الصفحه بيضاء من جديد..يعني كل الموضوع اللي كتبتوه والتعب اللي تعبتوه راح بمهب الريح ههههه صح شعور يقهر
بجد ودي ابكي بمثل هالموقف
..

المهم مآآآلكم بآلطووويله وببدا بموضوعي..
بصراحه اليوم خميس ومو جايني نوم وجالسه افكر ببكره(اللي هو.... باليوم الوطني)..

يعني "غدا الجمعه بإذن الله ستشرق شمس اليوم اللي نفخر فيه بوطننا..اليوم اللي تم فيه توحيييد المملكه العربيه السعوديه"..والله احس بإبتسامه غصب عني جد احس اني مبسوطه لمثل هاليوم...الله يديم الوطن بكل خير يارب..

والله ياناس انا حابه نتكلم عن موضوع مهم واللي هو..:

الشعب السعووودي..

هالشعب ياناس غير بكل شي جد نحنا يالسعوديين غييير والله..

انا مابي اتكلم عن فئه معينه ..مثلا اقول نحنا يالرشايده او نحنا يالمهيمزات او نحنا ياكذا وكذا...

لاااا انا بتكلم عن كل سعودي وسعوديه تنبض قلوبهم بهاللحظه..

بجد السعوديين فيهم صفات ماتوجد بكل شعب عربي خاصه والشعوب العالميه عامه..

نحنا شعب قنووووع جدا ....
فينا صفات ماهي بباقي الشعوب..
بجد شعب قوي وطموووح وصبور وقنوووع..

كل شخص فينا تلقى شعاره /فلهآ وربك يحلهآ/...يعني متوكلين على الله بكل صغيره وكبيره..

خلونا نوقف وقفات شوي مع مواقفنا يالسعوديين..
يعني بجد تلقونا مطفرين مهسترين ونمشي على النيه..والحاله الماديه متدهوره جدا ومع كل ذالك مقتنعين ومبسوطين بحياتنا...بجد هذا حال الاغلبيه..

نتكلم مثلا عن مدارسنا وجامعتنا..بصدق تلقون المدارس متدهوره والكراسي متكسره وقديمه والقاعات رايحه فيها والمكيفات خربانه وماشاءالله علينا متفوووقين ومعدلاتنا توصل لسماء..
بجد هذا اغلب حال المدارس والجامعات ورغم ذالك نوصل لمستويات متقدمه بالتعليم وبذكاءنا وبشطارتنا..

والاختبارات ماتخلص..قياس..تحصيلي..قدرات..بس ماشاءالله نوصل لنسبه مميزه توصل ل 99 يعني والله شعب متقدم فكريا..

وتلقوننا ندرس ونجتهد ونتخرج وندري ان مافيه وضايف بس مع ذالك عادي لو كنا عارفين النهايه عندنا هدف وهو الوصول لها..

..
ومواقف كثيره مثلا البنت تلقونها تتمسخر وتقول السعوديين يطفشون ومايدلعون وماعندهم رومنسيه وشينين ووو.
.والولد نفس الحكايه تلقاه يسب بالبنت ويتمسخر عليها ويسب بنات السعوديه ويقول مو حلوين ومو عاجبيننا ونبي ونبي ونبي..

وبالاخير نلقاء الزواجات فوق الخيال وكل ليله فوق الف زواج بالسعوديه والقاعات مليانه والمشاغل فل وماليزيا ودول السياحه تشتكي من السعوديين..
يعني بجد هالشعب غير ياناس والله قلوبهم بيضاء وفيهم طيبه ماتوصف ماشاءالله..

وتلقوون شوارعنا زفت ومكسره وزحمه مو طبيعيه ومع ذالك عادي مبسوطين ومبتسمين وهم يسوقون..

وتلقوننا لو عندنا هموم الدنيا الحمدلله مرتاحين..

ندخل لنت ونسولف ونضحك ونشارك ونتكلم ونشاهد ونحمممل ..
ولو كان الاتصال زززفت والنت خايس مايهمنا عادي اهم شي ننبسط..

ونشوف الواسطات واشياء تقهر ومع ذالك عادي عايشين ومرتاحين..
ولو الشمس تحرقنا وتدبل كبودنا عادي اهم شي نخلص شغلنا وننهي يومنا..

والله ماشاءالله علينا بجد قليل اللي يسوي نفس السعوديين..
يعني بجد السعودي والسعوديه كل همهم ينبسطون ويعيشون مرتاحين ماعندهم خرابيط او مشاريع ماتودي ولاتجيب..

وتلقون كل شي عندهم وله حل..
ويسولفون ويطقطقون سوا ع البيبي او الايفون اهم شي عندهم وناستهم..

بجدشعب عايشين وكل همهم رضاء الله وانفسهم..

ماتلقونهم مثل بعض الشعوب اللي كل همهم تخطيط وسخافات والله مضيعه للعلم..

واكثر مايضحكني بالسعوديين انهم ماشين على هواهم يعني تلقى الواحد جواله محوله انجليزي والاب توب بعد انجليزي واغلب سوالفه يتفلسف عليك بالانجليزي وهو خرطي ...يعني لاجا عند الصرافه وبيسحب فلوس اختار اللغه العربيه ههههه لان الدعوه فيها فلوس ماهو خرابيط
،،

والله بجد شعب كبير ومميز جدا يعني مافيه مثلنا بين الشعوب

،،
كلنا نفخخخخر وربي اننا من هالشعب ومن دار ابو متعب ..

شعب مايعرف التراجع او الاستسلام شعب الى الامام دائما..نعم نحن السعوديين..

الله يديم كل سعودي وسعوديه ويديم عز هذا الوطن الغالي اللي نفديه بروحنا..

ويديم ابو متعب لههذا الوطن ..ولهذا الشعب الغالي..

بجد افخر اني سعوديه/ه وارفع رااآااآااسي لاني من هذه الارض ارض المملكه العربيه السعوديه..

اللهم ادم عطاءك وكرمك ومنك على الشعب السعودي يارب..
وزدنا رفعه وفخر في هذه الارض يارب...

...الله لايغير علينا قولو "آمييين"ويديم طيبة قلوبنا يالسعوديين...

بقلمي.."بنت رجآل"

مخرج

كل مافيك يا وطني جميل
حتى سموم القهر من أخ أو قريب
لا يبعدني عنك ظلم
فأنت خيمة زماني وهدوء بالي ووسادة أحلامي
ومصدر عزتي وولائي