مساجله بين الشاعر/ذويب الخياري وشاعر عبس الشاعر/سعدان عابس

مساجله بين الشاعر/ذويب الخياري وشاعر عبس الشاعر/سعدان عابس

يـــقـــول الــشــاعــر ذويــــــب بــــــن رجـــــــا الخياري ..




راكب اللى وصفها معروف من عوص النجايـب=
وصفها مثل الجنيـه اليـا صفـا وزنـه ولونـه=
من سلايل جيش عيال الـزول زينـات الركايـب=
وسمها الكفه ياحـي الوسـم واللـي ياسمونـه=
ربعـت بالـوادى اللـى علتـه غـر السحايـب=
الشعيـب اللـى مفرقـة الـولايـف ينزلـونـه=
دللوهـا بالرسـن وشـداد زينـات الجنـايـب=
الرسن فـى راسهـا كـن الصحافـه يرسمونـه=
روحت تلفـح سفايفهـا مثـل شقـر الذوايـب=
فوق من كد الجدايل لين مـال (ن) مـع متونـه=
كـن بيـن عيونهـا لادرهمـت نـار ولهايـب=
تشبه لذيـبٍ عـدى وعيونهـا تشبـه عيونـه=
اشهب السرحان وان جاء بين وديـان وجذايـب=
مع تخاتيخ الخلا والقيـض يابسـة(ن) شنونـه=
روحت مع خايع (ن) تذريـه صلفـات الهبايـب=
تقل تاخذ مـن صحـارى نجـد بيديهـا نمونـه=
فوقها المندوب فـى عزالشبـاب وتقـل شايـب=
شايب(ن) على الشجاعه والكرامـه والخشونـه=
قال انا راعى الذلـول وبالرسايـل عنـك نايـب=
وبن عابس ياذلولـى لاتغيـب الشمـس دونـه=
وبن عابس شاعر (ن) من عبس عطبين الضرايب=
شاعر كن الذهب واللول يصـرف مـن لحونـه=
من هل النخوه مقابيس العـدى يـوم الحرايـب=
من يصيبونه بأصابـه مـات مابريـت طعونـه=
بالحميه يرفعون الـراس مـن حاضـر وغايـب=
الصـديـق يفرحـونـه والـعـدوا يكرهـونـه=
وللخـوى والجـار مافيهـا جـدال ولاطـلايـب=
لويعيـش العمـر كلـه مالقـى حـي يخـونـه=
المقابيـس النواحيـش الذوابـيـح العطـايـب=
الرصاص اليـا رمـوا بيـن الاحجـه ينقفونـه=
مايهابـون الخطـر و المـوت لوالـدم رايــب=
لو يباع المـوت ف نهـار الحرابـه يشترونـه=
دون ابانـات العذيـه والشعيبيـن الخصـايـب=
القهد والـوادى اللـى يبسـت الاريـاق دونـه=
ومن شمال من المدينه شمـخ السـود الرقايـب=
وضلع(ن) ابيض مثل غر المزن فوق الغيم لونـه=
والرجوم السـود وفيـاض الضحايـا والزرايـب=
منوتى ومناى شـوف الـدار واللـى يدهلونـه=
احتموهـا يـوم دورات المغـازى والكسـايـب=
كل عـد(ن) فـوق زينـات الركايـب ياردونـه=
وردوهن صافي الماء والقمـر بالقيـض غايـب=
والبلا فرقـى الوليـف مـن الوليـف يفرقونـه=
ولايصح الا الصحيح ومن يقـول الكـذب خايـب=
والرجال اهل الوفاء وعلـم الوفـاء مايجحدونـه=






وهذا مرد شاعر عبس ..سعدان بن عابس ..





مرحبـا ماهـلّ همـال الحيـا والجـو طـايـب=
من صدوق النو ..وسميـا ً مجاهيمـم ٍ مزونـه=
ساقه الرحمن ..خلاق البشر .. جـزل الوهايـب=
بارقـه يفـرا ظـلام الليـل ..ويبـدد سكونـه=
مرحبا ما هـلّ وبلـه وارتـوت منـه الرغايـب=
وماتبين بـاذره بـأوراق عشبـه فـي حتونـه=
بالرسالة والذلول ومن عليهـا يـا اخـو ذايـب=
والقصيد .. ومن تذكّـر طيـب ربعـه يذكرونـه=
والشعور الحي يحيي ..والعرب مخطي وصايـب=
شانهـم شـيء ٍ يعرفونـه وشـيء ٍ يجهلونـه=
والتجاهل من سمات ابليـس ملعـون الصلايـب=
الله انـه يلعـن الشيطـان والـلـي يتبعـونـه=
الشجاع يقول قـول الحـق مايخشـى السبايـب=
مايمـوت ابـه الضميـر ولا يغرنـه ظنـونـه=
انت يا الي بالوفاء والطيـب ..طيّبـت الطرايـب=
مفردات الشعر ..وهجـوس ٍ بخافيـك مخزونـه=
صافحتني منـك غيـداً ماشناهـا منـك عايـب=
شرفتني وانت مفهوم الشـرف ..تـدرك فنونـه=
ياشريف الـذات والمبـدأ فـدوك مـن الزلايـب=
ناقصين العرف والمعـروف ..عشـاق المهونـه=
ياذويب ..كـل راعـي عـز مايرضـى الغلايـب=
والجبان يعيش عيشـة ذل ..والنفـس مغبونـه=
ماثبـت غيـر الجبـال ولاتطيـح الا الزرايـب=
الجبل ما هـزت الأريـاح ركـن ٍ مـن ركونـه=
وانت مرسالك وصلني فـوق طاويـت الخرايـب=
الأصيل اللـي لزيـم اشدادهـا تبـري شطونـه=
قلـت يالله حـي راعيهـا وياحـي الشبـايـب=
مفردات ٍ مـا بهـن شكـوى ولاطلبـة معونـه=
مير انا ياابن رجا .. عيناك في وقـت النوايـب=
خـذ كـلام ٍ قاصريـن المعرفـة مـا يدركونـه=
ماعرف حق البعايد ..من جهـل حـق القرايـب=
والليالـي مسرجـات ٍ بالشـدايـد ومعنـونـه=
جارنا ويـاك رب البيـت مـن سـو المصايـب=
الأوادم يجهلـون المـر .. حـتـى يطعمـونـه=
والصعايـب مـا تطيـح الأ لجّـلاد الصعـايـب=
واثـق ٍ نـاس ٍ يحبونـه ونـاس ٍ يكرهـونـه=
استعين بخالق الأنسـان مـن صلـب وترايـب=
الله اللـي موجبـات الأمـر فـي كافـه ونونـه=
القريب المستجيب لمـن طلـب رحمـاه تايـب=
مالك امر الكـون كلـه والبشـر مـا يملكونـه=
ياوريـث امجـاد مرذيـن الكتايـب بالكتـايـب=
عزوة ٍ ..حب الأعـادي فـي رحاهـم يطحنونـه=
صدق ..مجد ٍ من رشيد وعبس .. ماشابه شوايب=
تنثني هجانـة التاريـخ عـن هيبـة حصونـه=
صرح عز ٍ قبـل وقـت ام المعـارك والغرايـب=
والكـلام ومـن يقولونـه وهـم مـا يفهمونـه=
يانزيـه الفكـر والتفكيـر .. وافكـارك ذرايـب=
خذ نقا عهـد ٍ ..وميثـاق ٍ نقـا مثلـك يصونـه=