بعد صلاه العصر

بعد صلاة العصر وأقرب لي عصــير=عديت في رجم العناء والطـــواري

دارت بي الافكار واقول واحــــــــــير=من هاجس ٍ في الصدر يكتم عباري

الكون ضايق والعرب تدمح الخـــــــير=وألها نوايا صوب جزر الكنـــــاري

بعض العواصف غيمة فوق شنصــــير=حطة لها فوق الرفيعه مــــــــواري

لا جيت أبرق في الملا ويش بيصــــير=شفت الملا ما بين بائع وشـــــــاري

الخوخ والرمان بأغلا الدنانــــــــــــير=والحر والسرحان دون الخبــــــاري

رزق ٍ ولاه مقدس الثور والعــــــــــير=واللي تعب للمجد حافي سمــــــاري

صارت نمور الغأب تخشى العصافـير=وان شافت النباح تعطي الحـداري

تارد على ميراد دق المزامـــــــــــــــير=وألا تصيد البوم قبل الحبــــــــاري

صار الرويبض في البلد كانه الزيــــــر=يأمر وينهى بالقـــــــــرار الأدراي

لو كان فيه اطباع وأشكال خنزيــــــــر=فرخ القطاه يقال مثل القمــــــــاري

وقت ٍ علينا قام ينحى المعابـــــــــــــير=دون الطويله حطنا للضــــــــواري

حمر النعم قامت توالف هل الكـــــــــير=وقت ٍ تسيد فيه حتى الجـــــــواري

الله على ما راد في كل تدبيـــــــــــــــر=النور نوره والسواري غــــــــداري

لو شانت الأيام فيها دَهن ســــــــــــــير=اما أندثر شامان وألا الســـــــواري

في مجلسي ونيت وأدير تفكـــــــــــير=وامد شوفي فوق وأقصى يســـــاري

الجو مخلي والبلد فيه من غــــــــــــير=حلت نجوم وصار نجمي احـــداري

أخيل نو ٍ في ديار المشاهــــــــــير=ذكرني المرقاب لعب الحـــــــــــواري

أمشي على الأقدام وأمر وأســـــــير=رايح وجاي بليل وألا نهــــــــــــــاري

أشوف منهو دمر الحال تدمـــــــــير=زهرة ربيع ولا لفحهـــــــــــــا ذواري

منها حياتي بين هدم ٍ وتعمـــــــــــير=قسمة نصيب من العطا والثـــــــواري

مني على المنوال صف التعابــــــير=أسمه دخل في القاف غصب ٍ اجبـاري

أذكر ليا مريت بالوجه ما أديـــــــر=قبل القصير يصير من حض غـــــاري

أشوف زوله والدلال المناحـــــــــير=صفت صفاهن بينه عند جـــــــــــاري

حلوات بالألوان وأحلاهن صغـــــير=في لونهن يا زين ذيك الحمـــــــــاري

أذكر إلى مريت ما أسعى بتخديــــر=أدرى على الأجواد من هرج هــــاري

واليوم فيه باينات المغاتـــــــــــــــير=حالي براه الود والود بــــــــــــــــاري

عشرين عام ونصهن حسب تقديــــر=الدار مخلي والدوارس حســـــــــاري

يا ليتني لقيت شيء ٍ له يصـــــــــــير=أدله على ذكراه ولا أحد ٍ بــــــــداري

وأختامها مابه سفاير وتنويــــــــــــر=أنا طبيب الحال ما أبغى استشـــــاري