عنوان القصيدة(حسن الوطري وعيد بن مربح))

قصيدة الشاعر حسن الوطري

ياعيد والله مانويت ابـدع القـاف

لكن همي فـي ضميـري يزيـدي

همٍ يجي حمله كما حمـل نسـاف

وزود علي الهـم حمـلٍ جديـدي

همٍ يجي ياعيد في سبعت اصنـاف

بشكي عليك الحال لونـك بعيـدي

الدمع فـوق الخـد ياعيـد ذراف

والله على ماقـول دايـم شهيـدي

كله سبب منهو حوا زين الاوصاف

الجادل اللي مثل عنـق الفريـدي

جته المنيه بين حـاذف وحـذاف

واقفى وخلانـي لحالـي وحيـدي

اليا ذكرته صـار بالقلـب رجـاف

يرجف وزود ضغـط دم الوريـدي

دنيا كفا الله شرها مابها انصـاف

لا شفت انا الورعان صفقت بيدي

الوقت هذا شفت انا منه الاتـلاف

همٍ وغـم وقلـب دايـم عنيـدي

تمت وجاك القاف من راس صراف

يصرف ذهب لمن نوى للقصيـدي

ماهو على بدع التماثيـل مزهـاف

رجلٍ يميز فـي ثميـن وزهيـدي

رد الشاعر عيد بن مربح

يامرحبا بالقـاف واللـي بـدى اقـاف

وباليوم والساعـه وساعـي البريـدي

اهلا هـلا عـداد بالبيـت مـن طـاف

وعـد الرمـال وعـد رش الجلـيـدي

وعد الحروف وعد مجموع الاصنـاف

وعد النبات وعـد خـوص الجريـدي

اقولهـا واردهـا عشـرة اضـعـاف

ترحيبـةٍٍٍٍٍٍٍٍٍٍٍٍٍ تجلـي سـواد الصـديـدي

اقولهـا مانـي مجامـل ولا اخــاف

تقديـر للوطـري ووقفـت عضيـدي

من غير ربك يملـك النـون والكـاف

جـلا جلالـه يفعـل اللـي يـريـدي

جعله يعوضك بالغضـي نـاب الارداف

باسماه اسالـه رافـعٍ راحـت ايـدي

وان كان قصدك مال يانسل الاشـراف

مالـي وحالـي ملـك ليـا رشـيـدي

ومن يعتزي في عبس ما يصيبه اجحاف

لو هم فقـارى عزمهـم مـن حديـدي