الرجل هل هو رومنسي

الرجل اتهم بأنه رجل غير رومانسي لكن ليس هناك دراسة واضحة تؤكد ذلك أو تنفيه




نظرتي أنو قليل منهم رومنسي وبالاخص مع زوجاتهم

المهم هذي تجارب لبعض الزوجات الي متاثرات بالافلام المكسيكيه
مختارات لبعض التجارب

*أم راكان: قلت لزوجي وأنا نازله للمدرسه بأشتاق لك ياحياتي، قال: اقول انزلي لا تفوتك الحصه.
*أم معاذ:اشتريت لزوجي هديه جوال لأن جواله "الكشاف"فهزئني لأن سعره غالي 1500ريال وقال لو انك معطتنياهن كاش احسن
*ام فيصل: حطيت شموع من مدخل الباب الى غرفة النوم وتزينت لزوجي، دخل البيت وقعد يشوت الشموع ويطفيهن ويصارخ "تبي تحرقين البيت انتي"
*ام نايف: نومت عيال وحطيت شموع على طاولة الصالة وبالنص "طرطه" دخل زوجي وجلس معاي وشكرني على مشاعري وراح قوم العيال من النوم وقال حرام "الطرطه" كثيرة علينا "أحنا الأثنين".
*ام هاجر: حطيت نور خافت وشغلت البخار دخل زوجي وصار يناديني وانا ساكته "أتغلى" رشني بمويه على وجهي يحسب أنه مغمى علي.

بس كلهم كوم وأم فيصل كوم وزين اللي ما اتصل على الدفاع المدني

أتمنى مشاركتكم وارجو ان تنال اعجابكم