جمر الغضا

يامل قلبن كل همن يمره.
باليوم و اليله بلا عد وحساب
همن قديم وسط جوفي مقره *
جمر الغضاء باقصى المعاليق شباب
و عيني تهل دموعها مستمره *
ماكف ناظرها عن الدمع صباب
مماتشوف العين والفكر فره *
في وقتنا الحاضر وبوجيه الاصحاب
شافت وزاء ماشافت العين سره *
بوقتن تغير و كثرت فيه الاسباب
وقتن تغير يكفي الله شره *
أصبح على الطيب سمومن و ملهاب
نزل مقام أهل الوفاء من مقره *
ورفع مقام أردى الخليقه و الاذناب
راع الوفاء من جور وقته و حره *
كنه غريب الدار بديار القراب
و إلا الردي جاله على مايسره *
و اصبح من أصحاب المعالي و اللاقاب
خبلن ولد خبلن كبيراٍ مصره *
من شان ماله يحشم النذل وايهاب
ماله مع ادروب المواجيب جره@
يقصرعن الهقوات والفعل ماثاب
و اصحاب وقت اليوم منهم مغره @
ياكثرهم وقت الرخا جموع و احزاب
وقت الشدايد مايساوون ذره @
كلن عن مواجهك له حط مجناب