حكمة بدوي

حكمة بدوي

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لى ضاق صدرك عالي الصوت جره =لو كان قلبك ما يطاوعك مكسور
دنياك لو تسوى من الحِزن ذرّه=ما كان تاليها توابيت وقبور
وما كان للكافر بعمره مسرَّه=وما شفت في ملكه ملايين وقصور
العمر يمضي بين حلوه ومره=والموت حق وقابض الروح مأمور
دام الحياه الفانية مستقره=ورزقك يجيك وبين الأجواد مستور
لا تنشغل بالوقت برده وحره =واحذر تصير بقسمة الناس مقهور
وحكم القدر لاجاك خيره وشره =أشكر عظيم الشان والذنب مغفور
والمجلس اللي يزعجك لا تمره =خله تراك بشوفته منت مجبور
والرجل سقها في صحاصيح بره =ومد النظر مابين ريضان وزهور
لا صار وجه القاع ما فيه جره =والمشي حافي والثرى تو ممطور
ساعات صمتٍ ما وراها مضره= تسوى الكلام اللي به اذنوب وشرور
أطلق خيالك وأترك النفس حره= وخل الطبيعه في حياتك لها دور
وبالليل لا بانت نجوم المجّره =أذكر بديع الخلق بـِاحـساس وشعور
واسجد لرب الكُون مره ومره =وإحفظ لسانك وأترك الكذب والزور
وفروض ربك خلها مستمره =وطاعتك لا يدخل بها نقص وقصور
[/poem]

صح لسانة وبيض الله وجهه☺