زلآت آلليآلي مآتتوبً

صاحبـي لـو تنشـد عيـون الجـدي
عن خطا الساري وعن ذنـب الـدروب
وعن ضيـاع الـذود وراعيـه ايحـدي
وعن مزايا الصدق ف لسان الكذوب
كـان ماتشـره علـى الحـظ الـردي
وكـان ماعديـت هفـواتـي ذنــوب
الحـيـاه دروب والــدرب طــردي
والنتيجـه... بيـن غـالـب وامغـلـوب
لاتعـد اللـي يجـي ؛ واللـي يغـدي
سمّهـا مـن ويـن مـا هبّـت.. هبـوب
واحـذر مـن الحـظ لاجـاك يعـدي
شف شروق الشمس وانظـر للغـروب
مـن جمـع مابـيـن جمـره وابـردي
تنطفـي ناره قـبـل ثلـجـه يــذوب
صاحبـك ياصاحبـي كـان اجــودي
مـيـر زلات اللـيـالـي... مـا تـتـوب
يشهـد الله ماذخـرت مــن جـهـدي
واصـلٍ حـد الشمـال مـن الجنـوب
بـيــن نجد؛وبين﴿حـرّه﴾وصـمـدي
شـاربٍ مـن ملحهـا قبـل العـذوب
ف الحنـايـا نـاقـلٍ جــرحٍ نــدي
مايشيلـونـه ضعيفـيـن الـقـلـوب
فــي زمــانٍ ماتنومسـنـي يــدي
يكبـر الرجّـال مـن غتـره وثــوب
لونشدت الأمس عـن حضـرة غـدي
كـــان مايملا غنايمـنـا شـحـوب
كانهاماضحّـكـت ســـن ولـــدي
والله ان الوقـت جملـه مـن عـيـوب
صاحبـي تـو السـوالـف تـبـتـدي
بس احس اني على الصمت امغصـوب ...!!
النص : محمد اللويحق