قصة جمل شاعر مسوي قصيده,,,,لاتفوتكم {فكااااهيه}

قصة جمل شاعر مسوي قصيده (فكاااهيه)

بسم الله الرحمن الرحيم
(هذه قصيدة الجمل الشاعر الذي يعاتب فيها الانسان )
وهي للشاعر \ سليمان بن وقيان الوابصي

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سر ياقلم واكتب علـى بيـض الابـواك=قـصـه جـمـل شـاعـر مـسـوي قصـيـده
الــيــوم يـالانـســان يــــوم الله اغــنــاك=عــنــي وتــركــب لــــك بـقــعــه حــديـــده
كتـفـتـنـي بـأسـيــاخ وحــبــال وأســــلاك=وحطيتنـي فـي حــوض ددســن جـديـده
ودك تـعـشــانــي عــســاهــا تــعــشـــاك=والـخــيــرواجــد والــمــصـــادر عـــديــــده
نسـيـت فـعـلـي يـاســود الـــرأس ويـــاك=وانـــــا خـــويـــك بـالـسـنـيــن الــشــديــده
اشـيـل زولــك وانتـقـل مـــاك واغـطــاك=واقـطـع بــك الـفـرزات لــو هــي بـعـيـده
اطا على الحنشان وغصون الاشواك=وانـتــه عـلــى ظـهــري تـغـنــي نـشـيــده
امشي علـى طوعـك ورايـك ومشهـاك=والــيــا وقــفــت تـصـوطـنـي بـالـجـريــده
اوحـي الضمـاء والجـوع ماهمنـي ذاك=وأوردك مــنــهـــال صــــعــــب وريــــــــده
وابــرك بجـالـك واطــرد الـذيـب لاجـــاك=مـثــل الكـبـيـر الــلــي يـحـاظــي ولــيــده
جــازيــت مـــــن يـعـطـيــك دره وربـــــاك=وشــلــون تـرخـصـنـي بـقـيـمـه زهــيـــده
ها الحين تذبحني على عرس عذراك=ذبــح الدجـاجـه فــوق قـــدر العـصـيـده
والله لــــــولا حـــكـــم ربــــــي ومـــــــولاك=لهـبـدك لـيـن ادعــي عضـامـك مـديـده
أن كـانـهــا بـالـجـسـم فــانـــا اتــحـــداك=وكــــلاً مــــع الـمـيــدان يـنـطــح نــديــده
اسـحــنــك بـــــزوري لامــنـــي امــحـــاك=انــا الجـمـل لاشـــاف خـصـمـه يـكـيـده
[/poem]