تحليل محاورة ناصر المظيبري ومعيبد الرشيدي

السلام عليكم ورحمة الله وبركااته اعجبت بطاروق للشاعرين ناصر المظيبري ومعيبد الرشيدي وحبيت ان اضع وجهت نظري وتحليلي وانتقادي في هذا الطاروق لتعم الفايده بنقتد وتحليل بناااء ووجهة نظري تحتمل الصواب والخطأ وشكراَ
ناصر المظيبري

سلام ياهل المنتدى اللي لاصياح ولاصفير=تقول لامستـه ملايكتـه السمـاء بيدينهـا
دخل ناصر بسلام عادي يقول فيه ان المنتدى هادي وليس له حركه وتفاعل وشبهه بان ملائكة السمااء محتلته تمامً وهذا ليس بصحيح اللذي ليس له صياح وصفير هذا الدااار المهجووور
حجاج غاب وصلنا معيبد عسا فالامر خير=والاوله في حينها والثانيـه فـي حينهـا
هنا يقول اني بغيت حجاج ولاكن غاااب وجاء نيابه عنه معيبد وفي شطره الثاني كأنه اللي يقوول لك مقاام مقال

معيبد الرشيدي

يا مرحبا عند الرجال اللي تجير المستجير=و أماكن ٍ فيها ملائكة السما يـا زينهـا
رد معيبد برد قوي ونقض رائع رحب معيبد بترحيب فخر واعتزاز ونقض بالشطر الثاني نقض رائع ويقول ان المكان الذي فيه الملائكه كلٍ يبحث عنه

كان المعارك يومها سموه باليـوم الكبيـر=عن فزعة الشجعان يكفي واحد من اثنينها

هنا يقول معيبد اذا جت للميقاف ان انا والا حجاج كلنا نحتمي الميقااف وكلنا كفو

ناصر المظيبري

جو المدينه يامعيبد غير عن جو المحيـر=واللي مشى فوق الجزيره جلدته من طينها

هنا يقول ناصر هنا ان هجسي غير عن هجسك يامعيبد ومن لعب مع الاثنين يعرف ويميز بينهم

كان المعارك يومها ذالليل انا سيفي شطير=والصين ماوالله تريح لين تدخل صينهـا

يقول هنا وانا بعد بالميقااف شري وليست سهلاً على الخصم والشطر الثاني تكميل للبيت فقط لاغير

معيبد الرشيدي

دار الدهر ما هي بدار السيل و العشب الكثير=و انته تخيـر بالديـار يسارهـا و يمينهـا

يقول معيبد هنا ان هجسك فقر وليس له فايده وهجسي جزل وسمين والفرق بينهم واضح وانشد العالم يمينك ويسارك

و المعركة ما هي بمثل النوم من فوق السرير=و أهل السيوف الباليـة رب العبـاد يعينهـا

يقول معيبد ان الملعبه ميدان ليست نفس النت وخلف الشاشات وشبهها بالرخاا النوم فوق السرير والله يعين اهل القلوب المبليه بالشعر

ناصر المظيبري

اثر معيبد طير مير الطير عيا لايطير=اخاف لاتجتره الايـام فـي رجلينهـا
يقول ناصر ان معيبد طير والمقصود انه لاشي معيبد واخااف بكره ان يتيه في دنياه

اقول خلك في سريرك لين يطلعلك نذير=وام الشحم ماهمـا الاحلقهـا وبطينهـا

هنا يقول ناصر خلك في منتدااك يامعيبد لين يصوتولك ربعك يعني استحاله تبي تطلع عن المنتدى حدك المنتدى شطره الثاني تكميل فقط لاغير

معيبد الرشيدي

أنا كما الطير النداوي و أبرق الجنحان طيـر=و بعض الطيور من الهدد وقت الهدد معفينها

هنا ينقض معيبد نقض رائع ويدل على شاعريه متمكنه يقول انا مثل الحر وترى الحر لاتنسى انه من سلالة طيور وبعض الطيور اللي مثلك في وقت الهدد وقت اللازم يعني معفي ماهو ملزووم

و أنا بخير و عافية و ان جيت باليوم الشرير=أم الكباير مـا لهـا غيـر الخـلال بعينهـا

يقول هنا انني معزز مكرم واذا جااء الازم اللي يستحق اطلع فيه بيضت الوجه

ناصر المظيبري

يصير بعض الهرج يامعيبد وبعضه مايصير=والثانيـه نبتاعهـا والاولــه شارينـهـا
يقول ناصر ماهو صحيح انك يامعيبد حر حر بل العكس صحييح الاوله لنا يعني الحر النداوي انا والثانيه ماهي لنا حنا الطيور المعفااه من الهدد

انته بخير وعافيـه ولابعـد مافيـك خيـر=روح وتوسدلك حصاه(ن) بالخلا ناسينهـا
ناصر في هذا البيت مثل المتهاون بشاعرية معيبد ويقول في شطره الثاني خل الشعر عنك ودور بديل له

معيبد الرشيدي

ليته عطاك ابن شمهليل القليـل مـن الوفيـر=حتى نقول انـك تعيـد أمجادكـم و سنينهـا
يقول معيبد ياليتك يانااصر اخذت شي من فراسة فارسكم شمهليل وشاعريته وحنكته وذكاءه الخ حتى نقول انك كفووو للمظابره لاكن كل الصفات اللي في ابن شمهليل ليست بك تماماً

انا احسبنك يا ابن مضبر عن بني مضبر سفير= أثرك مثل العالم اللي مـا تخلـص دينهـا

يقوول معيبد انا احسبنك يانااصر شاااعر المظابره بالمحاافل وتمثلهم لاكن انصدمت بانك ماتملك من الشعر شعره
ناصر المظيبري

بالله انا بنشدك وين انتـه موجـه يالاميـر=هذيـك بالله وينهـا بالله هــاذي وينـهـا
يقول ناصر هنا انا بسألك وش دخل شمهليل بسالفتنا يامعيبد مالها دخل بكل شي
راجع سجلاتك وخلك من على روحك بصير=ياشينها بنيـه مايظبـط ساسهـا ياشينهـا

يقوول ناصر ان كلامك يامعيبد ماهو في محله وياشين الكلام اللي ماعليه برهان
معيبد الرشيدي

ما انته بعارف وجهتي لا صرت يا ناصر ضرير=ما لك بعسرات الدروب ليـا بـدا لـك لينهـا
يقول معيبد ياناصر وشلون بتعرف مقصدي وانت ماتفقه بالشعر ووش لك بالشعاار الكبار واللعب معهم وهو متوفر شعرااء مثل مستواك

ميّزت بسطور السجلات الطويل مـن القصيـر=يا كاتـب أبيـات القصيـدة عذّبـك تلحينهـا

يقول معيبد اني اعرف واثمن الكلام اللي اقوول ولااقول الشي من فراغ ويرجع ويقوول انك لاتملك سوااء الالحان
ناصر المظيبري

ماحلاك ياواد الرمه ماكرهك ياواد الجريـر=وانا تراي اخـذت مشمشهـا وطيـب تينهـا
هنا يرجع ناصر ويعيد نفس الكلام ويقوول اني اطيب منك وانت مالك سنع يامعيبد وانا تراني اخذت الصداره عليك في هذا الطاروق

انته عرفت ان الطويل من القصير وغير غير=وانـا هويـت لمعرفتـك وغيرنـا هوينهـا
هنا ينزل بالمعنى ناصر نزول واضح وانا وغيري يتمنى معرفتك يامعيبد ومقصده مقصد في هذا الكلام

معيبد الرشيدي

ما أقشرك يا رس الظما ما أطيبك يا العد الغزير=و أهل العدود عدودهـم و حدودهـم حامينهـا
هنا نفس كلام ناصر يقول انت هجووسك فقر وانا عد غزير هجس غزير من الجزاله والمعاني

أغناني الله و الغناوي ما يجـي مثـل الفقيـر=و المعرفة عند العوارف مـا نقـص تثمينهـا
يقول هنا معيبد ان الله رافع مستواي ومستواي فوق مستواك واهل العرف يعرفون بالشي هذا

اتمنى اني وفقت بهذا الموضوع وهي بالاول والاخير وجهت نظر تحتمل الصواب والخطأ ومقصدي الفائده فقط لاغير ولولا اعجابي بهذا الطاروق لم اتكلف بتحليله وشكراً للجميع