يــابــو حــمــد والله بـالـخـيـر يــجــزاك

[poem=font="traditional arabic,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""] يــابــو حــمــد والله بـالـخـيـر يــجــزاك = ويـوفـقـك مــــع كــــل درب عـبـرتــه
والله يـكـثـر يـابــن الـجــواد شـــرواك = يالـلـي تـقـوم بـكــل شـيــن قـدرتــه
ولاضاق منك اللي مـن النـاس خـاواك = وبـشـوفـتـك وبـجـيـتـك مـاحـشـرتــه
والطـيـب يـامـرزوق صيـتـك وطـريــاك = هـذا الـذي سمـعـت عـنـك وحضـرتـه
والمـرجـلـه لــهــا تـعـنــي مـطـايــاك = ولاتحسـب الـلـي للمـراجـل خسـرتـه
يالطـيـب الـلـي صافـيـات(ن) نـوايــاك = لايـبـعـد مــــن يـقـلــع الله شـجـرتــه
الـلـي يعيـفـك السـوالـف لـيــا جـــاك = وخبـل(ن) مـع العـجـه تطـايـر غبـرتـه
واللـي يعاعـي مـثـل متـعـاع الاديــاك = وتبـلـش بـوصـفـه بالـنـظـر لانـظـرتـه
والـلـي تــرك لـديـن لحـيـه ومـسـواك = وخافـيـه يـخـلـف ظـاهــره لاسـبـرتـه
ولـيــا حتـرمـتـه بالـسـوالـف تــــولاك = حتـى يقضـي صـبـرك الـلـي صبـرتـه
وتلع(ن) ابو شغل(ن) معه جبر مشاك = وريحـت كـلامـه مـثـل ريـحـت ازفـرتـه
ولـيـا طـمـع بــك كــل يــوم يـتـحـداك = وبـعـده عـنـك لامــن قــدره كـسـرتـه
ولـخـبــل لابـلــشــك بـالــهــرج واذاك = ادواه لامــنــك مـشـيــت وخـصــرتــه
والبعـد عـنـه وقـطـع ممـاشـاه ويــاك = لــو يعتـذرلـك فــي خـطــاه وعـذرتــه
وياللـي بابيـت الـعـز والطـيـب مـربـاك = اصـغ لكلام(ن)فـي قصيـدي نشـرتـه
ليـا بخصـت الوقـت فـي سـره انـبـاك = جـوعــا سراحـيـنـه وشـبـعـا عـيـرتـه
ويــامــدور لـعـلـيـا بـدنـيــك ودنــيــاك = الـرجــل ديــنــه والـمـراجــل ثـمـرتــه
لولا الشيم يالشعر سقتك من اقصاك = وسمه وقدره فـي سطـورك شهرتـه
وخليـتـه يـشـوفـك باعـيـنـه ويـقــراك = وبالكبـد فـي مسمـار شـرك سمرتـه
ويـاذاك مـانـت بـحـول بالـعـرف ذولاك = لــو البـحـر بـاقــدام رجـلــك طـمـرتـه
عرفك قصيـر الشـوف وانتـه باعميـاك = شوفـه قصيـر وحبـل عرفـك قصـرتـه
لـنـك قلـيـل الـعـرف والـعـرف يخـفـاك = ولـو ينكسـر عظـمـه مـعـك ماجبـرتـه
وانته تحسب العرف في وسط مخباك = والـعـرف لـــو يـاتـيـك عـامــر دمـرتــه
ولـو جيـت بنـك العـرف قـفـل وخــلاك = واللـي تبـي مــن مصـرفـه ماقـدرتـه[/poem]