ايبيض الوجه ميقافه ومجلاسه

السلام عليكم ورحمة الله وبركاته
لتواصل في منتداناولوباالشي القليل
قصيده من الارشيف

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
هجس القوافي تسارقنـي عوانيسـه=مدري على راي ولا من ضما ياسه
لكن وعدنـا قبـل تينـع مغاريسـه=ميدان خيل اللزز لمصافـح افراسـه
اعفاه فكر البرى وعتق محابيسـه=اطلق سراحه غموض وفك حراسه
عندالظفرللمكارم والهوى كيسه=سبك المعالم علوم وللعلم كاسه
يقـوم الحـرب لادقـت مراويسـه=وينـوخ السلـم ميقافـه ومجلاسـه
لادقـت اقفـول بيبانـه حواسيسـه=وخيول هيضه القفر الجزل عساسـه
وتراقصت في سمى فكري هواجيسه=صحاه فيض القصيد وطيـر اعماسـه
علي من جوهـره لحـذي مفاليسـه=سلاسته عن ركيك الهـزل نبراسـه
اجمل من الغيد بالمعنـى معاريسـه=كن الجواهـر مشمعتـن بقرطاسـه
وش زادسعرالذهب لولا مقاييسـه=لولى عياره وش الفضه من انحاسـه
الشعر نفرق جويده عـن هلابيسـه=ان عودت للكلام ونعـرف اقياسـه
يادابغه دبـع مـن بايـد هداريسـه=مامعك قدرة كفا هالجوهـرة ماسـه
وش محرقن حب رزك مع نسانيسه=تسحب شليل الظلام وتطفي اكباسـه
ظليمتك ماحرقت طبخةمحاميسـه=يكرم عن النقد منك ولا انت من ناسه
ماقلتها لجل اخيفك فـي تضاريسـه=ول اله من الصخريا مكتب ودباسـه
ولا طاع طيشه مثل من طاوع ابليسه=اعوذ بالله مـن نزغـه و وسواسـه
اعوذ بالله مـن نزغـت وساويسـه=الحمد للي جعل لـه درع وحراسـه
لكن حديث القصيد وهيض احاسيسه=حطم لجام السكون وشـب مقباسـه
لعيون قوم ٍ تسامـو مـع نباريسـه=قوم ٍ علو رفعته لين اشتعـل باسـه
قـوم ٍ تبنـت حماياهـم نواميـسـه=في كفة الثقل ترجـح وزن ورياسـه
هـذول لعيونهـم وزنـه وتاسيسـه=ولا انت مثل الجراده وزن وخلاسه
عن كسب مايذخر المرجان في كيسه=مايقبل السوم فيهن لو علـى راسـه
العذر والضوء الاخضر يامدابيسـه=يالي عليكم وشاح الشعـر ولباسـه
هذاقصيدي اليـا هـدت قرانيسـه=ايبيض الوجـه ميقافـه ومجلاسـه[/poem]