يامن يبشرني ويلقى البشاره.لابن شلال

هذي قصيدة من قصائدي اهداء لكم.. وهي عندما ضاعت لي شيهانه فرخ هذا الموسم الله يعوضني بأبرك منها


يامن يبشرني ويلقى البشاره*** عز الله انه راح لي فرخ شيهان

يطرد عشاه ومصخرً في طياره*** لين ان من دونه قصر شوف الاعيان

وجدي وجود اللي عليه الخفاره***اللي دخل بالسجن ظلمً وبهتان

عليك ياطير السطا والجساره*** ياللي عنك ماني بعازي وقنعان

امرح خلاوي ماعرف وين داره***الجوع ساقه لاخدعني ولاخان

موكارها طفيت عنه الأناره***وصكيت لي من دونه اثنين بيبان

من يوم جفن العين سبل عباره***وصديت عاوي عوية الذيب سرحان

قلب المولع ولع الولف ناره***والعين هلت صافي الدمع هتان

لو الخساره مال ماهي خساره***مير الولع بعضه غريزه بالانسان