وياعشق ابن شداد وابو نويرة ,,

كلمات قصيدة الشارع للشاعر ياسر التويجري



(الشارع) اللي فيه ناس وممرات
ماهمني من اوله من اخيرة

لو كان به شيخات والااميرات
انا ماشوف احد سواك الاميرة

بين السعوديات ..والاجنبيات
ماالله خلق لك بالوصايف خشيرة

بالزين حطمتي جميع العلامات
عنقاء ..غنوجه ..مستعفه ..صغيرة

قدك رشف من غاية الطول رشفات
لانتي طويله حيل ولا قصيرة

يابعد من الهقوات.. واقرب من الذات
واصدق من احساس العشير ..لعشيرة

ياسالفة مالا بدينا ومافات
وياعشق ابن شداد وابو نويرة

تفتحي على ضفاف البحيرات
وتنقلي فيهن بحيرة .. بحيرة

كوني كذا على صدور البنيات
كفت نفس.. كوني كذا ياخطيرة

انتي حسب ماروجته الاشاعات
مخلوقة لجل يمـــــــوتون غيرة

اسعد مساء بين كل المسائات
تعريضتك مثل المها المستديرة

ياللي عليك تحدد الاولويات
مغيث ماات من الجفا يابريرة

ابسالك يام العيون الوسيعات ؟؟
اللي تولع فيك وش هو مصيرة

تعبت وانا اطوي عليك المسافات
وويلاااهـ ..من بعض الدروب العسيرة

خوذي هواي بصمت ..واخذك بسكات
وتفائلي بالصمت والصمت خيرة