:: ياللي غيابكــ طال و بحقي اخطيت ::

بسم الله الرحمن الرحيم
السلام عليكم ورحمة الله وبركاته
مساااء \ صباااااح
الخيـــــــر ..

يا اللي غيابك طال وبحقي اخطيت
هذا شهر ماشوف للوصل نيه ؟؟

هي كانت اسبوعين لكن تماديت
في غيبتك كنك موصي وصيه ؟!!

لعبت بأعصابي ولا قلت مليت
ولا راح يوم .. اقول باكر مجيه

الله ياني في غيابك تحريت
اثر المفارق صعب ماهو شويه

عقبك مشاويري من البيت .. للبيت
اخاف لا دقيت ماني هنيه !!

عانيت انا في غيابك حيل عانيت
يا بغضني للبعد يارحم حيه

هذا شهر وش عاد لو انك ابطيت
والله ان تلقى لك ضحيه

البارحه مابين يمكن ويا ليت
وابليس يتركني ويرجع عليّه

فكرت .. لو طول غيابك ولا جيت
يعني كذا .. روحه ومن غير جيه

خانتني الدمعه .. وطاحت .. وصديت
ملعون ابو التفكير ..يذبح خويه
................
شعر\حمد السعيد

تحياااااااتي ... : مشااعل الرشيدي