العذر شرهه

السلام عليكم ورحمة الله وبركاته
أسعد الله أيامكم بكل خير جميعاً
اخواني اخواتي الأحباء
اطرح لكم هذه المتواضعه والمعبرة عن ماتحتوي بطيّاتهاحصرياً لهذا الصرح الشامخ والغالي على الجميع
وهي أهداء لأخي الغالي ومديرناالقدير /فلاح المهيمزي
أتمنى ان يتقبلها كما هي وابو طارق يستاهل كل علم غانم بدون قصور بالجميع

[poem=font="mudir mt,6,black,bold,normal" bkcolor="transparent" bkimage="" border="inset,8,burlywood" type=2 line=0 align=center use=ex num="0,black""]
أزكى سلامي لبو طارق بتنقيح=بالمسك والعنبر ونفح العلايل
وريح النفل لافاح ومخالطه شيح=وريح الخزامى في رياض وخمايل
بنات فكري نوب عوب ومشافيح=وفيهن من الفطره جميع الخصايل
من هيض في كيل الجواهر مطافيح=مايبخسن بسوم سعر الجزايل
مافيه عن درب المطاليق تجنيح=بيض النوايا للخطايا بدايل
ماهي قضية حب خشم ومفاطيح=ولاهي قضية بيع صوت وخزايل
ولاهي قضيه سر ليل ومجاريح=ولاهي قضية زايد الحمل مايل
السالفه ياطيّب الفال تلميح=تحليلها اصدق من صدوق المخايل
اسأل وتلقى قدر الامكان توضيح=على سؤال تضيع فيه الدلايل
ومراجعة ماذكر شرح ً و تصحيح=من شان مايفهم خطأ كل سايل
ان قلت وش تعني دموع التماسيح=اقول لك تمويه شين الفعايل
شرواك يفهم يابعيد المصابيح=رمز الإشاره بيننا بالمثايل
نبي نرجح كفة الكيل ترجيح=وانصير بالنصفين والشك زايل
لقيت لك في عاليات اللواليح=قومه وقعده ياعريب السلايل
مدام عندك للخزينه مفاتيح=وعندك على قطع التردد دلايل
العذر شرهه في وجيه المفاليح=من لايميّز فيه مامن صمايل
وشلون تبخل ياحفيد الزحازيح=اللي لهم صعبات الأريا ذلايل
رشايده عنوانهم هبت الريح=لاجا نهارن فيه قطع العقايل
مافيهم اللي يرفع الحظ وايطيح =مايقبلون الا بصف الاوايل
يردون لحياض المنايا مناطيح=مايتقون بسد روس الاصايل
عز الخوي والجار ماعنه تصفيح=وستر العذارى ناقضات الجدايل
على اعداهم مثل سم الذرانيح=الصدق مايبغى شهود ودلايل
أفخر بهم ويحق لي دون تجريح=وإلا إحتقار بحق كل القبايل
يليق في ربعي من الشرد توشيح=فيهم من العليا جميع الفضايل
عن الطمان بعاليات اللواميح=مايحترون برد فعل الجمايل
وصلوا كثر ماقيل بالكون تسبيح=على شفيع الخلق يوم الهوايل
[/poem]

وسلامة قلوبكم الطاهرة
وتقبلوا فائق إحترامي وجل تقديري
دمت بحفظ الذي لاتضيع ودائعه