صدى لصوت الشاعر القدير/ناصر خنيفر

السلام عليكم ورحمة الله وبركاته
احبائي العزاء بهذا الصرح الشامخ الذي جمعنا على المحبة والتآلف
اسعد الله أيامكم جميعاً بكل خير
بعد السلام مسك وعنبر بداية ونهاية الكلام
وهذه المتواضعه رداً على قصيدة
الشاعر الجزل/ ناصر خنيفر العمده
عسى ان تافي بالغرض وتنال إعجابكم وتروي ذائقتكم الشعرية الراقية
قصيده الشاعر/ناصر خنيفر

[poem=font="mudir mt,6,black,bold,normal" bkcolor="transparent" bkimage="" border="inset,8,burlywood" type=2 line=0 align=center use=ex num="0,black""] بيض الله وجـه مـن قـال الحقيقـه=يوم شاف النقص بحروف المعاني
الصديـق اللـي يبـا ينصـح صديقـه=مـايـجـامـل لافــــلان ولافــلانـــي
ولايفـكـر صابـنـي بالـصـدر ضيـقـه=لاحشـا علمـه نفعنـي مادهـانـي
مرحبـا بالنقـد مـن كـفـن طليـقـه=عد من هلـل ومـن صـام رمضانـي
الرجـال اللـي مـن سلالـه عريقـه=مايغـيـر طبعـهـا طـــول الـزمـانـي
وانت شاعـر تصخـر بيوتـن عميقـه=مثـل عيلـم جـم جمـه ريهجـانـي
وكل رجمن مرتفـع شفتـك تويقـه=ترغـب العليـا ولا تحـب الطمـانـي
ويوم عايض مـر ناصـر فـي طريقـه=قـال اذكـر قبـل لايفـوت الاوانــي
مـادرنـي عـارفــن وش بالعلـيـقـه=مـار صعـب القـاف للويـه حـدانـي
احـتـرم راي الـخـوي بـيـا طـريـقـه=بشرط رايـه صـح ياطـوال اليمانـي
وكــان عـايــض رد ربـــه مايعـيـقـه=وانتـعـذرعـذره الـطـيــب كـفـانــي[/poem]

وهذا الرد المتواضع

[poem=font="mudir mt,6,black,bold,normal" bkcolor="transparent" bkimage="" border="inset,8,burlywood" type=2 line=0 align=center use=ex num="0,black""] يابو تركي ماعلى العاقل وثيقه=الثقه بالنفس هي بر الأماني
وجهك ابيض والنقاء مثلك يليقه=يفتخر في حضرته صدر المكاني
فيك ظني ما اختلف مصدر وسيقه=يوم اشير إيليك في روس البناني
من دخل عمق البحر ينقذ غريقه=مايريد من البشر رد الحساني
ماعليك اقصور طيبك تستسيقه=من هل النخوه عريبين المجاني
كل تاجر يعرف السوق وحنيقه=يفرق السومه مايبخس بالسماني
والله اني عارفً نبت الحديقه=مثل ماهو لاخفاك ولا خفاني
من يبي وهم السراب ايبل ريقه=ويش تعني سمعته بين العواني
هاتها من هيض وإلا من شقيقه=خلها تضرب جراهيد البياني
لاتكلفها بحمل (ن)ماتطيقه=المطيه ماتردد للسواني
و العشيق اللي نقض عهد العشيقه=مارماه إلا نصيبه للهواني
[/poem]