لاصرت منته على لامـاي تواقـي~~ وش هوله افرد بصدري للغلا خانـه

كذالك اهديكم قصيده رائعه اتمنى ان تستمعوا بماتحتويه
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياحادي الصمت قلّي ويش انا لاقـي=لاشح وصلك ونفسي فيك ضميانـه
ماناض لك في سما العشاق برّاقـي=يروي خفوقٍٍ شكى لك طول حرمانه
من لهفتي في غيابك يبست ارياقـي=وانا على باب صبري وارجي احسانه
افقد مَلَامِحْك !! والقاها على اوراقي=مترسّمه في ثنايا الطرس واركانـه
واخفيك لكن !! تبين بنظرة احداقـي=دمعة شقا والمحاجر منـك رويانـه
اهديتك البـال واستنزفـت خفّاقـي=من دون لا اطلب ثمن للحب واشجانه
وانته بغيّك تخيّـب هقـوة الهاقـي=اللي بذلّك شعوره والزمـن خانـه
وبجفوتك تستبيـح الذنـب لفراقـي=ولا كل ذنبٍ يـروم القلـب نسيانـه
لين انطفى من سواتك واهج اشواقي=واعميت عين الرضا بالصد واعلانه
وان كان صيدك غرامٍ طاب بعماقـي=بكره رياح التجافي تطوي اغصانـه
وتفك عوق الضلوع وتطلق اوثاقـي=ودلّة القلب عن طاريـك وازمانـه
لاصرت منته على لامـاي تواقـي=وش هوله افرد بصدري للغلا خانـه
ولاصارهمّك تضيّق بالجفـا خناقـي=وريتك البعد كيف اسرج لك حصانه
من يزرع الود بأرضٍ مالها ساقـي=يجني ثمار الجفا في سلّـة احزانـه [/poem]
لــ.سعود ناهض