مشعان والزمن الجميل

وسط احدى صحارى المملكه يعيش مشعان ايامه الجميله مع اشراقة الشمس في الصباح الجميل يذهب الى عمله في رعاية الابل والاغنام حتى غروب الشمس ويسامر النجوم في الليل الطويل هذا حال مشعان الذي يعاني من الغباء بعض الشي على حسب كلام ابومشعان........ابومشعان الذي لا شي اغلى من حلاله وربما اغلى من مشعان حتى وصل به الحال الى قتل مشعان بسبب وفاة معشوقته الوسميه وهذي طبعا ناقه وسيوضح لدينا سالفة الناقه و والدة مشعان التي تساعد ابومشعان ورعاية اخوان مشعان والمنزل الجميل الذي عباره عن (خيمه مائله على وشك السقوط من مرور السنوات)هذا التعريف في ابطال القصه)الان نبدا القصه ابومشعان.....يا الله يا ام مشعان مشينا نبي نهبط لسوق(نهبط يعني نرووح لسووق)الليله عندنا عشاء لبو سعد جاء من البلد.... ام مشعان.....خلاص يا الله جايه وعسى ام سعد معاه........ ابومشعان...لا يا بنت يقول ام سعد ما تقدر تجي العيال عندهم استخبارات((استخبارات يعني اختبارات))في بليتهم الي يسمونها مدرسه ....ام مشعان....والله ان اخوك ما يستحي يخلي عياله وام سعد علشان يدرسون وعيباه بس ........... ابو مشعان..... ايه والله انك صادقه عسى الله يهديه ابوسعد كل الجماعه زارين عليه ((زارين يعني الشخص مسوي فضيحه)والله من كثر جياته اخاف يتولجنا بمشعان ويخليه يدرس كم مرره يطري السالفه هذي لي...... ام مشعان....والله اخوك ابوسعد الله يستر منه و وليدي والله ما يفارقني ...... مشعان........يا مبارك شغل شغل السياره نبي نروح مع الحلال ..... مبارك الراعي .....يا الله ابغى افتح الشبك على الحلال.....ويركب مبارك والاستاذ مشعان وهات سوالف يا مشعان ولا يسكت اذ تكلم وانواع الغباء والله يعينك يا مبارك كيف تصبر عليه......... الراعي مبارك .....اسمع يا مشعان انا ابغى انزل مع الحلال وانت خلييك هنا ورجع لك وانتبه لا تلمس السياره ..ملاحظه(مشعان ما يعرف يسوووق يتعلم ولا يفهم)) مشعان .....خلاص لا تزعجني يا السوداني بس لا تروووح بعيد...... ابومشعان......يا الله يا ام مشعان خلصي حوايجك من السوق نبغى نرووح لشيشه(الشيشه يعني محطه او بقاله صغيررره.... ام مشعان ...زان شاء الله بس الهندي ما هو راضي يكسر لي من القيمه.... الهندي ....انت نفر ما في افهم كيف سوي خصم على 5 ريال يعني كم يبغى انت ..... ابومشعان...اخلصي يا ام مشعان يا مال السلطه... ام مشعان ...لذة عليك يا ولد الهنديه ابك تثووور على طول ما تعرف تراعينى في القيمه ويهدي الله ام مشعان وتشتري من الهندي وتمشي ..... ابومشعان......هلا يا مرحبا الله انك تحيي ابوسعد..... ابوسعد.....هلا فيك والله اشتقنا لكم بس وش نسوي انشغلنا في البلد وتعرف العيال يدرسوون ... ابومشعان......والله انك مشغل عيالك في الدراسه عند اهل البلد تسوي نفس المخبل (المخبل يعني الاغبياء)والله انك تعبان يا ابوسعد.......ز ابوسعد .....لا يا ابومشعان انت التعبان الله يهديك ان شاء الله وتخلي مشعان يدرس عندي مع العيال احسن له يتعلم ويفهم............ابومشعان اقول البخ بس(البخ يعني اسكت)وش تبي الناس تقول عني يكفي انت وعيالك........ ابوسعد....اقول ان شاء الله بيروح معنا مشعان بس (((وبعد الحاح شديد قرر ابومشعان وام مشعان ان مشعان يروح يدرس)))مشعان...جاي من الحلال سلام وعليكم كيف حالك يا عمي ابو سعد وين العيال.... ابوسعد ...ابشرك بخييير والعيال عندهم دراسه وما يقدروون يجووون وانت جهز نفسك راح تدرس عندي ...... مشعان.....صاق انت (((صاق يعني صادق )ابوي اروح اجهز حلتي((حلتي يعني ما يخض الشخص من كل شي ))))ابو مشعان.......لا يا خبل انت على الريحه بعدين لين يفتح التقدووم((((التقدوم يعني التسجيل)))انت دلخ كيف تبغى تدرس......وبعد مغادرة ابوسعد الى البلد واقناع ابومشعان بدراسة مشعان السنه القادمه.... ام مشعان....... يا ويلي يا وليدي يا مشعان عز الله انك بتفارقني وتترك الحلال وتصير متعالماني((متعالماني يعني شخص متعلم)))9عز الله بيضحكون علييك الحضران..... مشعان .....لا ما علييك والله الي يضحك لا افرم وجهه(افرم يعني يضرب الشخص مع وجههه ما شاء الله مشعان ما يتفاهم على طول يبغى يضرب)))ابومشعان......اقول اسمع يا مشعان من الجهمه بكره ترووح معاي علشان اعلمك السوواقه والله انك حتى السواقه ما تعرف كيف تصير متعالماني....ملاحظه(مشعان عمره 10 سنوات بس زمان كان عادي الشخص يدرس في النهار لو عمره كبييير)........ مشعان لو تكرمت انا سواااق منتاز...... وفي صباح الغد ابو مشعان.......يا الله يا مشعان مشينا ويركب الشيخ مشعان السياره والحمدلله تيسر الامووور مع مشعان الى الان.....ابو مشعان......ما شاء الله ايه الان احسسن من اول سواقتك حلوووهبس انتبه من الحلال وش كبررره تشوفه قدامك ....... مشعان ...لا ابشر انا سووواق...... ابومشعان .......اقول لف لف يمين لا تصدم الناقه يا دلخ ابك ابك ابك .... مشعان ......يا يبه يا يبه لف معاي السياره الا الشيخ يصدم احسن ناقه عند ابو مشعان ويسلم الله ابومشعان ومشعان ويصير فيهم كدمات خفيفه وتستمر معاناة مشعان مع الغباء ابو مشعان ......والله ما تجلس عندي يا دلخ ابك ثورة دمي ((((ثورة يعني رفعت ظغط دمي ))ما انت مفلح في الحياه والله لتفارقني و ترووح تدرس يمكن يصحى عقلك ومع بداية السنه الجديده مشعان ينتقل الى البلد لدراسه عند عيال ابوسعد(((يا ويلهم عز الله راحوا فيها ))))ابوسعد ......يا الله يا مشعان شد حيلك وخلك رجال علشان اعطيك النجاحه......مشعان ...ابشر يا عمي ..... ويتخرج مشعان من الابتدائي وينتقل الى المتوسطه ويتعرف على واحد اسمه موسى في فصله من ادشر الطلاب في المتوسطه وانواع المشاكل مع المدير والمعلميين ويسقط مشعان سنتين في المتوسطه ومن اسباب رسوب مشعان هذي واحده من الاسباب كان فيه معلم مصري دخل الفصل ومشعان جالس في طاولته في وسط الفصل ....... مشعان....يا استاذ عندي سؤال ..... المصري ....اتفضل يا حبيبي يا مشعان(((يا حاول المصري ان مشعان ما يتكلم عليه من كثر مشاكل مشعان)))))مشعان.....من كفيلك في الديره هنا...... المصري ...يخرب بيتك يا قليل الادب اطلع برى ...... المدير....... اسمع يا مشعان انت ذكي وشاطر بس اترك اخوياك والله راح اساعدك علشان تروح الثانويه وتصير رجال وشد حيلك .....مشعان ....ابشر ابصير محترم بس تساعدني ....المدير..خلاص ابشر ومع مرور الايام اثبت المدير انه عند وعده وتخرج مشعان من المتوسطه وانتقل الى الثانويه وتخرج من الثانويه بعد ان تغير وصار عاقل وشد حيله شوي مو مررره بس ما سقط ولا سنه بعد سنوات من المعاناة وبعد نهاية الثانويه سجله ابوسعد في التقنيه قسم كهرباء وبعد دخول مشعان التقنيه تغيررررر تفكير مشعان وصار من افضل الطلاب في الكليه وحاول يحيب اهله في البلد واخيرا اقنعهم وبعد تخرج مشعان من التقنيه سجل في شركة ارامكوا وصار من افضل الموظفين وصار مدير احد الاقسام في الشركه وانتقل الى الشرقيه وانتقلة حياة مشعان من الجهل الى شخص متعلم واحد موظفي اهم الشركات في المملكه وشكرا الكاتب ....علي المهيمزي (((اعذروني اخواني على قصر القصه او اذا كانت القصه لم تحوز على رضاكم انا ليس لدي خبره في كتابة القصص وهذي الاولى وانتظر ملاحظاتكم ولكن اجتهاد مني لتقديم اي شي لهذا المنتدى الغالي علينا وتقديم اي شي لاعضاء المنتدى