*ابيات من ارشيفي*

السلام عليكم ورحمة الله وبركاته

أخــواني اخــواتي اعتذر عن انقطاع للاسباب الدراسه

وما اقدمه عباره عن ابيات صاحبة موقف جدن وان لما تكن ذات الحبكه الشعريه لاكنها عزيزه على قلبي

وسوف اروي لكم قصة الابيات

قبل ثلاث سنوات اجتمعنا وسط قروب معنا شعار وشاعرات وتوجد من بيننا شاعره مغرمه بهذا البيت وتقول يالليته كان لها

(( سوال احطه للبشر بين قوسين=ليش الهوا بعيون اهلنا جريمه))

وكانت كل شوي فاتحه موضوع ولا تكتب سوا هذا البيت وكان مسوولين القروب يحذفونه لاتكراره
وكانت تتجادل معهم بسبب الحذف
وتعاند المهم قلت خلني ارد عليها باابيات لعلها تسكت وتفكنا من هالبيت ورديت وعسى ان يحوز على رضاكم كما حاز على رضاء الشعار والشاعرات اللي معي بالقروب واقول بالابيات

اكثر اهلنا ماقروا بالمضامين**كل همهم بالذود واشداد ريمه
نسمع حكاوي واجده زينها شين**عن عشق عذرى من نديم لنديمه
ويومن تقصينا الحقايق من سنين**بانت لنا خافي العلوم العظيمه
الاولين اعبر من الوقت ذالحين**من تحت جنح الليل وافي وشيمه
شوف ولقاء وعناق يالليل ياعين**وحنا علينا العشق يحرم نسيمه

وتحياتي لكم جميعن

محبكم//ابوساري

انتظرا تعليقاتكم وارشداتكم