ِِ مقــهى البـوح الشـعري ..،، تفضل أرتشف قهوتك ..ِِ.

يا هيه التفت لي و اسمع ادعاي لـك يا هيـه **** ترى عـادك بتشبـع مـن البعـد و تواجـه
دعيتك بصـوت ٍ ياصلـك ليـه ما توحيـه ** و انا اسمع ضلوعك من صدى الصوت لجّاجة
عليك الفـؤاد اخلاجـه مصمّـخ ٍ راعيـه ** خف الله فـي راعيـه ما تسمـع اخلاجـه
ترى العفو قـد جـاك اولـه و اغتنـم تاليـه ** و ترى الحلم بحـر ٍ غيـر لا تامـن امواجـه
و ترى الود ليل ٍ مظلـم ٍ جيـت لـك ساريـه ** سراجه وصالـك و الجفـا ينفـخ سراجـه
و ترى قصرنا اللي كم سنـه نجمـع و نبنيـه ** هوى العذل طيّـح بابـه العـود و سياجـه
لي أيام مـدري ويـن دارك و لا ادري ليـه ** و انا خابـر انـي بـاب شفـك و مزلاجـه
غيـاب ٍ بـلا سبّـة هجـاد ٍ بـلا تنبـيـه ** و جفا أغلا العرب نار ٍ على الكبـد وهّاجـة
نضج قلبي من البعـد وش حاجتـك تكويـه ** جفاك الجمر و الصبر فـي بعـدك الصاجـة
طبـع حبـك بقلبـي و الايـام مـا تمحيـه ** هذا هجـرك يحـاول يموجـه و لا مـاجـه
يموت الأمل لكـن ظنـون الغـلا تحييـه ** عروق الوفـا فالـروح و القلـب وجّاجـة
خبرتوا حـدٍ يبكـي علـى واحـد ٍيبكيـه ** خبرتوا حـد ٍمسجـون ما يبغـي افراجـه
احبه و لا ابغضتـه علـى شـي ٍيسويـه ** و لا زالـت ارقـاب الرجـا فيـه منعـاجـة
عسى منزل ٍ ضمه حقوق الوسـم تسقيـه ** و تضحك له الدنيـا و هـو يضحـك حجاجـه
فقد خاطري شـي ٍ مـن الضيقـة مسلّيـه ** و غدت روحي من النـاس و الليـل هجّاجـة
اروح لمكـان ٍ خابـره ..خابـره ياتـيـه ** اسوق القدم صوبـه و هـي مالهـا حاجـة
مكـان ٍ نزيـهٍ و أول مواجهـي لـه فيـه ** و انـا خابـر ٍما رجـل مثـلـه بـدواجـة
لعل و عسى مـا حدنـي للمجـي ..يدعيـه ** اشوفـه و انـا مـا ودي اسبـب احـراجـه
يحب الجريـح آخـر دروب اللقـاء و يجيـه ** و تحـب القـدم جيّـة مكـان أول مـواجـه