تغاريد تغريدلكل ماهو جديد

جديد خلف المشعان

ليس للكفن جيوب


ياللي عن دروب الهدى ملت لدروب
......... توهم بها نفسك .. بحسن اعتدالك ..!


ترى الكفن مابه مثل ثوبك جيوب
.......... تشيل فيها .. داخل القبر مالك ..!!


العمر فاني ليه تجمع به ذنوب
......... بكره تبي ترحل .. وتدفن لحالك .!!


يظلم عليك القبر لاحطو الطوب
....... وتلقى المصير اللي نسيته .. قبالك ..!!


ماعاد فيها رجعوني ... أبآتوب
........ وينك عن التوبة .. بوقتٍ مضالك ..!


عن سكة الطاعات ماكنت محجوب
........... تمشي بارض الله على مابدالك ...!


محدن على امره في خطاياه مغلوب
...... نفسك هي اللي وردتك المهالك ..!!


ماتعذرك قولة .. مقدر ومكتوب
........ لو مانت تسعى للخطا ماسعالك ...!!


ابليس صوب وغطرسة نفسك بصوب
....... تشيد في عمك .. وتفخر بخالك ...!!


ماودك ان الناس تلقابك عيوب ...!
.... همك بعين الخلق تظهر كمالك ..!


لكن عملك لخالق الخلق يادوب :
........ نية خلاص من المعاصي .. فبالك ..!


ماللمنايا غير الاحساس مندوب
وش تنفعك نيّتــْــك لاصرت هالك .. !!
