ِِ مقــهى البـوح الشـعري ..،، تفضل أرتشف قهوتك ..ِِ.

قلـت الصراحـه .. قـالـو الـنـاس كــذاب
كـذبــت .. سـمـونـي أمـيــر الـحـبـايـب



واجهـتـهـم .. لكـنـهـا ثـــارت أعـصــاب
جاملتهـم .. وأصبـحـت عـاقـل وصـايـب



عاندتهـم .. وأنفتـحـت بوجـهـي أسـبـاب
سايرتـهـم .. وأقـفـت هـذيــك السـبـايـب


فضحتهـم .. وأصبحـت مـذنـب ونـصـاب
ستـرتـهـم .. شـنــوا عــلــيّ الـحـرايــب


طلبتهـم .. وأنصـك فــي وجـهـي الـبـاب
عطيتهـم .. قالـو لـي يــا ابــو الوهـايـب


رفعتهـم .. وأرتفـعـت أرقــاب وأشـنـاب
نزلتهـم .. صـار أســود الــراس شـايـب

بنيتـهـم .. حـطـو لــي أســوار وحـجـاب
هدمـتـهـم .. قــالــو حــــرام الـخـرايــب


شديـت .. صاروا كلهـم ربـع وأصـحـاب
أرخيـت .. خـلـو حـبـل الأيــام سـايـب


أقبلـت .. صـارو كلهـم دونــي أحــزاب
أقفـيـت .. صـــارو كلـبـوهـم قـرايــب


داويتهـم .. قالـو لـي الـجـرح مــا طــاب
جرحتـهـم .. قـالـو لــي الـجـرح طـايــب


حبيـتـهـم .. قـالــو لـــي الـحــب غـــلاب
كرهـتـهـم .. هـلــت دمـــوع وسـحـايــب


واصلـتـهـم .. لقيـتـهـم مـثــل الأجــنــاب
هجرتـهـم .. قـالـو لــك ايـــام غـايــب !!


غـيـرت شكـلـي .. قـالـو انسان جــذاب
رديــت شكـلـي .. قـالـو إنـسـان خـايــب


يـاقـلــب لاتــشــره ولاتــبـــدي عــتـــاب
خـــل الـعـتـب عـنــك وخــــل الـنـشـايـب


مافـيـهـم الـلــي يستـحـقـون الإعـجــاب
لــو شفتـهـم كتـلـة غـمـوض وعجـايـب


مــن لا أفتـهـم درس الليـالـي ولا تـــاب
يــمــوت مــــا يـفـهــم ولاهــــو بـتـايــب


ومادمت ساري والقمـر عنـك مـا غـاب
لاعـــاد تـوقــف لــــو تــثــور الـهـبـايـب


ما انت الوحيد اللي مشى الدرب مرتاب
غـريـب تمـشـي فــي زمــان الغـرايـب