محاوبة بين الزلامي والمعنى

السلام عليكم ورحمة الله وبركاته

كيف حالكم يا النشاما

جايب لكم محاوره حصلت بين الشاعرين :

الشاعر الكبير : المعنى البقمي (( رحمه الله ))

و

الشاعر الكبير : رشيد الزلامي

اليكم المحاوره:



الزلامي

ياسلامي وانا طرقي واحث المطيـة
نجد قدمي وحضن عصر باق خلافي


يوم جينا بدار اهل الكـرم والحميـة
ودنا كيف صافي من حلوق المصافي


المعنى

مرحبا ياصديـق مايحـب الخطيـة
ماعرفنا البيان ولاعرفنـا الخوافـي


يوم جيتوا وجينا والمطـر يـم ليـة
مر تمشى جنوب ومر تمشي خلافـي


الزلامي

بين عيد رمضان وبين عيد الضحيـة
ودي امزح واغني زال ماشاب قافـي


المعنى رفيقي مـن هذيـك السنيـة
مير طال الزمان وصار فية اختلافي


المعنى
الليالـي تراهـا عـودت جاهلـيـة
خبروا وين راح العام صقر النصافي


المطر يوم خيل فيـة وبـل ابرديـة
ناطلين البشوت ولابسيـن اللحافـي


الزلامي
ذمتي منك يالشيـخ المعنـى بريـة
مير بعض السوالف لفهـا باللفافـي


وين ادور ذهيبي ياللة اخلـف عليـة
اثر ماضاع في بعض الدير ما يشافي


المعنى
كلت راس الخروف وكلت تمر السرية
كان جايك حريقة طق باب المطافـي


جاهـل ماعرفـت العلـة الباطنيـة
لاعرفت الخبيث ولاعرفت النظافـي


الزلامي
ماحصـل حاجـة للفـرد والبندقيـة
خلها عند تال البـل حـم الشعافـي


وراجع المحكمة حتى تحل القضيـة
وابلع الصبر حتى تاخذ الحق وافـي


المعنى
لاتطق الضعيـف ولاتقـود السريـة
وان عجزتوا تردون الخبر للسنافـي


عام الاول خويك لية يذبـح خويـة
يوم شفت الركايب كلوبهـن مقافـي


الزلامي
يوم وقنا براس الرجم عصر العشيـة
شفت جرة حرامي ماذهبتها السوافـي


خيلت وامطرت من مزنـة عقربيـة
مير قولوا ليا هبت عساهـا عوافـي



(( تحياتي ))