ممكن تاخذين الرقم

ممكن تاخذين الرقم

قبل فتره قرأت مدري وين يمكن بجريده ان فيه نظام بدبي دار الحي أن اللي يغازل ويعطي رقم
يمسكونه الشرطه وثاني يوم ينشرون صورته بالجريده

بنفس اليوم اللي قرأت فيه الخبر
ذهبت بالليل لمركز تجاري الساعه 11 يعني متأخر .... وكنت ابي محل معين او مستطيل
بنفس المركز .. المهم لقيت عند البوابه من داخل زحمه ناس .. السيكرتي مانعهم يدخلون لان السوق كان بيقفل
واغلب الموجودات كانن بنات اللي يبن يدخلن .. وانا احشر حالي وسطهم ويا زينها من حشره اختنقت
من العطورات اللي تهبل ... قمت احاول بالحارس السيكرتي يدخلني ما رضي
وسط ذيك الزحمه كان فيه بنت جنبي جالسه تدفني وتهمس ... يا ولد كم رقمك كم رقمك عطني الرقم
واخوكم بالله مدلخ وما يبي يعطيها الرقم ( هين ).. قامت وقالت تب تجي بعد يومين قصدي قالت خذ رقمي انت
وما فيه فايده ظليت مطنشها .... ويوم شفت ما فيه امل اني ادخل للسوق قلت خلني اروح اعفنن بي
البنات بريحتهن ويوم طلعت ووصلت سيارتي لقيت بشماغي البنت رابطه بدبوس

رقمها .. وبكلتها ( يعني شباصة شعرها ) وحاطتهن بشماغي بدون ما انتبه لها .... قمت اخذت الشباصه ورميتها
وطلعت الرقم وقطعته ورميته وهي تناظر .. لايا شيخ
ما كنها قوية هالمره صح فعلا قويه ولا البنت من وين لها قلم وهي بالسوق
لكن شغلة الترقيم انتهت من زمان ....... خاصه بعد الكاشف ....اذكر صارلي موقف من زمان قبل كم سنه
كنت بالسوق .... ( يادي هالسوق ) ودخلت محل ابي اشتري جرايد بالليل طبعاً .. وانا اشوف ذيك البنت
باخر المحل بروحها والمحل فاضي بس انا وياها والهندي .. وكانت البنت شي يخبل كشخه على اصولها ....
لعب براسي الشيطان كوره قلت خلني ارقمها ... يوم شفت الظروف مهيأه خاصه ان البنت حلوه وبعدين باين انها تطالعني
قلت خلني احاول معها وانا بسرعه اكتب رقمي واظني كتبته غلط من الخوف .... واجي عندها ويوم قربت لها .. وصرت جنبها ؟؟
قالت خالد وش تسوي هنا وادقق بالصوت والقاه صوت حبيبتي ... ( والله النشبه ) قلت انت ِوش جايبك
انا شفتك ودخلت قومي بس قومي ... قالت روح الحين امي تجي ....... ومشت عليها ومادرت اني احسبها وحده ثانيه ..
هالكلام كله زمان الحين الواحد ترك السوالف ذي بعدين البنت المحترمه تخليك تستحي منها غصب ...
ويمكن تصير لك مواقف بايخه ... يعني تجي تعطي وحده الرقم تقولك وععععععععععععع
ولا تقولك رح شف خلقتك وبعدين جب الرقم اخصرها ولا تروح
هالسوالف ذي بصراحه صار الواحد يستحي ويخجل من نفسه يسويها
لكن المدن الصغيره ماتحتاج ترقم فيها تلقى شباب البلد معروفين ..

اذكر قبل كم شهر .. كنت بالمستشفى
وانا طالع لقيت شايب ومعه بنته ووصلتهم لبيتهم ...
وانا ما اعرفهم ولا يعرفوني ......بعد كم يوم دق التلفون عندي( ترن ترن ترن ) بالله
لقيتها بنت قالت خالد.. قلت نعم من انتِ ؟... قالت انا اللي وصلتني انا وابوي قبل اسبوع...

قلت يا هلا اي خدمه ؟؟؟
قالت تسلم بس ترى طاح مني 500 ريال بسيارتك يومك توصلنا
يا ليتك تجيبها للبيت وتعطيها الوالد
قلت :- نعم من يتكلم اي خالد انا ما وصلت احد ولا ركب معاي احد .... يا ولد من اللي يبيني عند الباب
يله مع السلامه .. طااااااخ ..... واقفل
..........
نرجع لمحور حديثنا
ونجي للجد الحين والهدف من الكلام كله ....
يا ليت يسوون عندنا بالسعودية مثل دبي واللي يعطي رقم يطلعون صورته بالجريدة حتى الجميع يتوب
ويتأدبون ..... قانون رهيب جداً والله

وحتى من ناحية اقتصادية بعد... الجرايد رح تصدر ملاحق والعدد يوصل 50 صفحه والمبيعات تزيد بشكل جنوني
ويمكن ما تلاقي اي عدد بعد ساعه من صدور الجريده ... تدرون ليش ؟
لان البنات يبن يشوفن خوياهن صورهم موجوده ولالا......
لكن الظريف بالموضوع يوم تلقى رجال الشــــرطة ماسكين الشباب وصافينهم طابور ويقولون لهم ===>>
هاه وش رايكم نـــزيـــــــــع ولا مـــا نــــــزيع
يردون الشباب ==>> توبه لاتــزيع لا تــزيع ولا تــرانا نضيع

مقالاتي

مجرد فكرة