فيه جسمٍ سليم وفيه عقلٍ سقيم وفيه عقلٍ سليم بجسم يصعب دواه

كنت أقول إن جسم السلم عقله سليم
قبل لايظهر اللي يوم شفته نفاه
قول معروف لكن من عصارة غشيم
قايله يوم قاد الفكر. له ماحماه
أتضح لي وقلت القول هذا عقيم
وأعتبر شاهد إثباتي تجارب حياه
فيه جسمٍ سليم وفيه عقلٍ سقيم
وفيه عقلٍ سليم بجسم يصعب دواه
لكن العبرة العاقل لنفسه خصيم
قول مأثور ماحصلت فيه إشتباه
كل ذي علم يوجد فوق علمه عليم
وآفة العلم نسيانه بقول الرواه
الحكيم الله اللي علمك ياحكيم
والمجانين حكمتها سفاه بسفاه
لو تصيب الهدف مرة برمية رجيم
معظم الرمي لادونه ولاهي وراه
من تعدى حدود العقل مايستقيم
رأيه.أبتر. وعرفه مايقدي خطاه
مايفهم على حسب إعتقادي فهيم
وفاقد الشئ لو طال الزمن ماعطاه
الله اللي وهبنا العقل والله كريم
وأبخل البخل في قول العرب بخل جاه
فلسفة لكن أسلوبٍ جديدٍ قديم
مثل نقش الكتابة فوق خد الصفاه
الشاعر صالح الرشيدي