فخامة ذوق لا أكثر #

وقـف دقيقه نستشـف الحقيـقـه
والكـل منـا يتضـح لـه طريقـه

لحظـه حبيبي خلهـا بالـرواقـه
حق الهوي مـن حقنـا مـا نعيقـه

نبغي نقـارن بيننـا فـي المحبـه
ونشوف من هو وافي (ن) مع عشيقه

انا الحبيب اللـي بدعـت البدايع
لألجلك وهزيت القلـوب الرقيقـه

وانا الحبيب الذي سبقـت الثوانـي
لاجـاك هـم(ن) او تبلتـك ضيقـه

وانـا الصبـور ولو دهتني الليالـي
صبـري لهـا ياغـلا ماتطيـقـه

وانا الصدوق اللـي وفيـت المـوده
وانا الذي ماخنـت عهـدك دقيقـه

وانا الذي لامـن دعيـت الدعاوي
عنـدي لهاذيـك الدعاوي وثيـقـه

وانا الذي عانيت سبع (ن) خوالـي
برهانهـن ذيـك السنيـن العتيقـه

وانت الذي حطمت قلبـي وحلمي
واشعلت لي بيـن الحنايـا حريقـه

وانـت الـذي جازيتنـي بالتجافـي
وخليتنـي وجـروح قلبـي عميقـه

واليـوم اشوفـك تعتـذر والمدامـع
هلت علي ذيـك الخـدود الرقيقـه

أقبل ولا تخشـي ضيـاع المحبـه
ماني من اللـي يقطعـون الوشيقـه

شوف التبايـن بيننـا فـي المـوده
والبون شاسع بيننـا فـي الحقيقـه