الجز الثاني من قصايد المرحوم علي مدعث المهيمزي

أخواني منسوبي هذا الصرح الشامخ أقدم لكم الجز الثاني من قصايد الشاعر / علي بن عايش بن رشيد بن مدعث المهيمزي رحمه الله و سوفا أواصل البحث عن قصايده و قصايد غيره من شعراء قبيلة المهيمزات الذين لم تحفظ قصايدهم و أرجو من لأداره ألموقره تثبيت المواضيع التي سوفا أقوم بطرحها و تقبلوا تحياتي

الغليون

عمرت غليوني عقب غابت الشمس

و صبحــــت في داراً خلين وطنها

ياصاحبي ياعمس بالي منك عمس

لا وهـــــــــــني الي يباري ضعنها

ليلة هلال الفطر ماضي منه خمس

و الرجل تشك من الحفاء من جهنها

و كبدي كما بناً قلب لونها الحمس

و حمــــاسها يوم أستوت سج عنها

يابــــــــــــو نهيداً مايدانيبها المس

مـــــزيونتاً ماحـــــــــداً بعقله وزنها

ياغضيبه

و عمظي الي ياغضيبه كسرتيه

تبغين في كسر الغلاوين راحه

أما عطيني من حلالك و سوقيه

و إلا عطــــيني من ثمانك سناحه

و إلا اوصليني دافع العلم و أديه

عرافت الوجه السعد و القماحه

أما فلجتي في حلالي و أخذتيه

و إلا فلجتك و اطلبك في سناحه

هذي قصيده قالها الشيخ بن طواله ألشمري

بحثت صندوق الضلوع الخوافي

من جارين يامير جاري عليه

يامير يامير السعـــــــد ياسنافي

يامسند السالم و راع الدعيه

امارتك يابن طــــــــواله تشافي

ماهــــي خفى لجدودكم مقدميه

يامضفي إلي طاح عنه الحافي

اليا نسى المعروف راع الرديه

ذكرك جذبني من بعيد المهافي

و خليت عرباني ضواحي طميه

هذي قصيدة قالها في الشيخ أعمر بن ربيعان العتيبي رئيس فوج بن ربيعان رحمه الله

بيت الـــــــوفاء مركوز لبن ربيعان

شــــــــــيال ثقلاتن اليا جات مابه

شــــيخ العيال الي يتلون الاشطان

لا باه خطـــــــو الدوملي عن جوابه

أدلال مملـــــــــيات في كل الاحيان

هيلاً خضـــــر و الزعفراني خضابه

ياشوق من تزهى الملابس و الاردان

و ردفاً يشــــــيل الثوب يطوي عقابه

و جــــــــــدايلاً جملات من غير ربان

و عقــــــلاً عن المنقود ياخذ حسابه

ابي منك يامشــــــــــبباً عقب شيخان

عطــــــاءً جـــــزل و الله يعلم ثوابه

عطـــــــــاً جزل من غير حاسد و منان

ترى عطــــــاء الشيخان مآبه عيابه

الشاعر / علي بن عايش بن رشيد بن مدعث المهيمزي رحمه الله