ياقــربها يابعدها ياابــو مــرزوق* ابعد من نجومالسماء عن وطاها

ياقــربها يابعدها ياابــو مــرزوق
ابعد من نجوم السماء عن وطاها
لاقلت جادت روحت والهوا شروق
قــامــت تزف عذوبها مع هواهـا
زف الخيال اليا بــدا لـمع وبــروق
لازفته من غرب وابـعــد ثــراهــا
في قدرة المولي يسوق الهوا سوق
سوق الرياح اللي مشت في رضاها
وفي عزة المولي علي كل مخلـوق
اللي خلق خـلـقـه بــعــزه بــنــاهــا
اللي رفع سبع السـماوات لافــوق
مكون الـدنـيـا بـفـعلــه نـطـاهـــا
الـلـي يـمـشيـها علي كل طاروق
باني عمدها فوق عالي سماها
ماانسى زمانن راح في عرضت الشوق
عرضت زمان وبـعد اللي شقاهـا
ابعاد من زفه زمانـه بحـاروق
حاروق ود وحالتي كذ براهــا
حرق الورق لاصار بالجو صافوق
صافوق حر وبعد اللي نــواهــا
من عقب مايمشيبها راعي الذوق
يرعى القفور اللي بدا في خلاها
واليوم قفت به علي ناظر السـوق
سوقن يقرب مرها عن حلاهــا
يجلب همومه والحشي فيه خافوق
خافوق هم وحزنها من طناهــا
لو تبدي الاصوات بحروف ورمـوق
قفت وداعيها علي اللي دعاهـا
ماتنفع الاصوات في هرج منطوق
اليا قصر يومه وليله غشاهــــا
مادام ماتبني له العقد برفــوق
وتقرب اللؤلو وتبعد وساهـــا
وتفرش له الكوكب وتبعد سنا العوق
وتبديله الرحله وتقصر عناهـــا
من شبته مامر في لوحة البــوق
لو هويمر ايامها في قساهــــا
واليوم اببدي للذي يحتمي النـوق
راع الوفاء والطيب حزت لقاهـــا
احمد ليامنه بدا الوقت عامــوق
يطلع مطاليع القمر في ضواهــا

للشاعر
حسين بن عليثة المهيمزي
ابو عبدالله