دنياي خلتني اعرف اصدقايه

دنياي خلتني اعرف اصدقايه
خلتني اعرف البشر بالتجاريب
من كثر مانعرف حروف وبدايه
نعرف حروف الكاينه بالمكاتيب
ويبين خافيها سوات المرايه
تطلع حروف الدرسعي بالمشاريب
ويخفيه ضوء الابجدي بالحمايه
ويطلع على اظهور المطايا المحاديب
ويبين فوق اخيولها والمهايه
لانه طلع من جوف حلو التعاجيب
من خلقته ماشاف حوض المنايه
ماجرب الدنيا بكل التسابيب
وماشاهد الاقمار بكل النوايه
ولاشاف ضوح انجومها بالتداريب
وسالي مع اللي يخلفن الروايه
حدب الظهور مشذبات العراقيب
اللي لهن في صفحة الغيب رايه
ومصخرات البعد بقول وهناديب

للشاعر حسين بن عليثة المهيمزي
ابو عبدالله