يا ذيب

قصيدة الشاعر /نشمي زامل الرشيدي



ياذيب ساعدني بنط المراقيب
ياذيب ماتصلح لك اﻹنثباره
أنت الذي تفرض عليك المواجيب
الي زلت عن قاره تعلق بقاره
ياذيب دربني عن الخوف تدريب
حتى تجسرني على كل غاره
ياذيب ﻻ تدخلني الشك والريب
الي أرقبت مرقابا بواضح نهاره
ياذيب وكدلي خيار المعازيب
قدام تنوي رجلك اﻹنحداره
ياذيب أسألني وأنا أقول واجيب
المعرفه ياذيب مثل اﻹماره
ياذيب لو تطلب كثير المطاليب
دنياي أنا وياك ماهي تجاره
ياذيب فعلك دائما فيه تخريب
أنت الذي فعلك عماره دماره
لكان أنا بشكي على عالم الغيب
انه يبشرني بشوفه ابشاره
هو الذي يقدر يحل اﻷ صاعيب
وللخلق غيره مانريد استشاره