يا بنت بعد الدار ماهو مغيبه

قصيدة الشاعر / نشمي زامل الرشيدي


يابنت بعد الدار ماهو مغيبه
ترا المغيبه قولت فﻻن قد مات
الحي ﻻ بد الليالي تجيبه
ﻻبد مايلفي و تصبح سهالات
والعمر مايخطيه شيئا يصيبه
ماكتب له صابه بليا محاﻻت
كم واحد من الناس يشمت نصيبه
ورزقه على اللي عالما بالخفيات
والفقر لﻹنسان مابه معيبه
العيب وطاي الدروب الخبيثات
والعيب اللي مايواصل قريبه
لو كان فيه امن الزعل كبر أبانات
ترا الزعل لو طال ماهو مصيبه
العيب قطع الوصل ياطيب الذات
والناس كم من مشكله تبتليبه
لكن عطانا الصبر رب البريات
الله وهبنا الصبر خير الوهيبه
سبحان كساي العظام العريات
الله إذا حب البشر شاع طيبه
وإذا ردا حضه نهاره ضﻻمات
وأنا أحمدالله مالقصيده صعيبه
كملتها في لحضتا عشرة أبيات
وصلوا على اللي حطه الله حبيبه
المصطفى اللي خصه الله بالايات