قصر الحنين

إليكم جديدي

وترقبوها شيله قريباً



هزيت قصر الحنين وفاحت اشواقه
من عقب حب الحبيب اللي مداريني

أشتاق اشوفه وصعب اتحمل فراقه
ياليت من لامني ياناس يعفيني

محبته في فؤادي تخضر أوراقه
طيفه وانا في حلا نومي يناديني

رجلٍ شجاع وحشيم وتشهد اخلاقه
بين العرب شعره وصيته يواسيني

على الطهاره وحبل العهد ميثاقه
يبقى معي دوم لايمكن يخليني

أقسم بربٍ علم بالحال وارهاقه
إني لشوفه اعد شهور وسنيني

تكفون مشتاقه لشوفه ولعناقه
من الوله والحنين الدمع في عيني

تعال ياحلم عمري وآخر أعماقه
يدفعني الشوق يمك والوله فيني

لاتتعب القلب ثم تزيد بإحراقه
هجرك وبعدك ترى للموت يدنيني

يا الله يااللي بيدك العمر وارزاقه
تفرج لقلبٍ من الاحزان مجزيني



شمس المهيمزات

شمس الكون