بدر يابن سويلم ونعم

قصيده حصريه للمنتدى الغالي اقدمها لكم
وهي بمرابع الديار وبالشيخ بدر بن سويلم
مع القصيده
.
.
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] اه ياوقت ماضي من زماني كنه اليوم جنات النعيم=ذكر أني بذاك الوقت جاهل والجهل فيه نوع من السكينه
عزتي يارحات الوقت دارت لين وصلت طعونه للصميم=كل ماطال عمري زاد همي لين مابيح الشاعر كنينه
بليلتن من ليال الصيف فيها من برود الشتاء هبة نسيم=القمر مكتمل مكنه الا خد غرون ربى وسط المدينه
تابعن قوت يومي وسط غربه متكل بالولي ربن رحيم=سهر الليل وعد الليالي وحسب اليوم عن عشرة سنينه
لا ذكرت المرابع مامنع دمعات عين كبر فيني عظيم=تنزل دموع حاكم فوق خد الطفل والطفل يذرفها غبينه
ولا لمحت البروق الي تشالع وجهة الدار والله العليم=خطر لسري مساري ذيب
جوعه محتديه وتقفاله سمينه
ديرت العز داري ياعذولي ماهي بديرة خبيل وغشيم=ديرة الرجال بالميقاف مثل الظلع ماهزته نار البطينه
يشهد افعاله غرب المدينه ويشهد افعالها وادي القصيم=يومها بالسيوف وفخر برايات راية هديبان بيمينه
أو ليامن ذكرنا شيخ فيها درس الجاهل العلم الحكيم=بدر يابن سويلم ونعم وسبعة انعام قبطان السفينه
أشهد انك يابو نايف وريث العود وخصال رجالن حليم=لك مهابه بعين الغير منت الي على مكيتبه عينه رهينه
حر ماتعتلي غير الخضيرا ترعب الخرب وتفهم فهيم=أنت راعي رعيه والرعيه فدوتك وأنت تفداك الثمينه
لو مدحت ومدحت وزاد مدحي يعجز الحرف والفكر السليم=لك مقام وقار وذيب دارن دونها جسور وأبوابن حصينه
لا دفعني شتياقي يم داري سقت دره من الطرق القديم=مابخلت بهجوس الشعر كان الشعر يجري بعروقي وارثينه[/poem]
.
.
وسلامتكم وعساها نالت اعجابكم
اخوكم فهد نافع المهيمزي حب الغموض