الياعتليت القاع

اليا عتليت القاع من راس ملموم=ولقاع خاف اخدودها فرعتها

ذكرني عـــلومن و نساني علــــوم =ولذاكره عادت لها مانستها

عديت بهمومي وحـولت بهـــــموم=ذكرئ تقربها وذكرئ ابعدتها

حقايق الماضي لنا علومها حلوم=مسودت ايام الزمن صورتها

الاثار باقي ماتــــبقا من ارسوم=بقـــت لنا من اهـــلها ذاكرتها

لبيوتهم مريت مبني ومهـــدوم=ابيوت فوق الارض وخرا تحتها

الله نساله من توفاه مرحوم=اللي عبــــاده رحــــمته واسعتها

الشاكرين لربهــم دايـــم الدوم=صبح ومسا ذكر النبي بالسنتها

ساقا منازل دارهم بادر اوسوم=من الوسم سالت فحول اوديتها

لبست خضارالارض ماتنبت هدوم=خضار نور ازهارها زينتها

بريح الخزاماولنفل روضها يزوم=مع حلو ماها ولهوا رايحتها

وشجارها رمثه وشيحن وقيصوم=سدر وسمر وطلح مع مانبتتها

لغنا ام سالم كانه غنا ام كلثوم=تطرب جماهير العرب مطربتها

ممشا بها حتي ولو بالسنه يوم=وشربة غديرن تحت ظل شجرتها

تسواقصورن زخرفوها هل الروم=ومن العجم باغلا الحرير افرشتها

عندي وكلن له من الراي مفهوم=مشهاة نفس ونفسك وماشتها

دارن غلاها بثومة القلب مختوم=وحروفها نحت الصخر ناحتتها

داري وربعي عزوتي عزوعزوم=العزوه اللي هامتي رافعتها

دارن لنا فيها مراسيم ووســـوم=حرة هل الكفه بها واسمتها

ماجت لنا منـــــه ولاحبة أخشوم=من الجدود احفادها وارثتها

تلقا بها ذباحت الحــيل ولــــكوم=للضيف وسط صحونها قلطتها

رجالهم عن ساقط الهرجه يشوم=عادات وسلوم العرب عربتها

خويهم ولـــجار ولضيف محشوم=هل المروه ولشهامه صفــتها

بعدالسما من الارض عداهم الوم=علي الخطا خطواتهم ماخطتها

ولطيب ماتختصبه قوم عن قـــوم=الطيــــبين اقسومهم قاسمتها

النعم في كل القبايل لها اسهــوم=في حاضرتها النعم وباديتـــها

ولا الردي من وين ماكان مذموم=اصابعك ماهي سوا مقايستها

الله جعل بالخلق حاكم ومحـــكوم=وخوان نور ه بالعدل حاكمتها