قالوا حكوا بك قلت وش هم يقولون: مرشد البذال

قالوا حكوا بك قلت وش هم يقولون

وش قـيـل فيـنـا يالوجـيـه الفلـيـحـه

شوفوا مردُ الهرج وش هـم يطـرون

حتـى نعـرف مـزوره مــن صحيـحـه

كان الكلام مـن المعـادي علـى هـون

بعـض المسـبـه بالمجـالـس مديـحـه

تـجـيـه عـربــانٍ مـــن الله يـخـافـون

عــن الظليـمـه ينصحـونـه نصيـحـه

لو كل خلق الله علـى الحـق يمشـون

كـان القلـوب مـن الخطـا مستريـحـه

كـم واحـدٍ بعـروض الأجـواد مفتـون

وهــو سلـومـه يفضـحـنـه فضـحـيـه

وكم واحدٍ يطعـن وهـو فيـه مطعـون

يــذم ريــح الـنـاس والشـيـن ريـحـه

بعض كلام النـاس تهمـات وضنـون

قـــولٍ تـنـمـيـه الـوجـيــه الـوقـيـحـه

الظلـم لـو فـازوا هلـه مــا يـدومـون

راع الظـلـيـمـه لاتـبـاطــى مـطـيـحـه

والناس هذا الناس من عصر ذالنون

كـلـن عـلـى دربــه ركـابـه مشـيـحـه

مـقـرود يـامـن بــدل الـلـون بالـلـون

بعـض الكـلام يحرفـه عـن صحيـحـه

والصدق هو والكذب ماهـو بمقـرون

كـان إنهـا تــدرس بلهـجـه فصيـحـه

مايـمـدح الـرجـال بالشـكـل والـلـون

إبحـث معـه ليـنـك تـعـرف القريـحـه

تـراك تعـرف عنـه وأنـتـم تهـرجـون

يبيـن لــك مــن كــل جــودٍ نضيـحـه

المستريـح اللـي مـن الشـك مـامـون

مـع كــل خـلـق الله علـومـه مليـحـه

كـم واحـدٍ حــيٍ لــه الـنـاس يثـنـون

وإلا تــوفـــى قــالـــوا الله يـبـيــحــه

وكم واحـد لـو هـو باالألحـاد مدفـون

ذكـراه عنـد النـاس بيـضـا صفيـحـه

وكـم واحـدٍ يجمـع ملاييـن وخــزون

مـــالٍ تنـمـيـه الـيـديــن الشـحـيـحـه

لا تشـكـره رمـلـى ولا فـــك مـديــون

ولا حــل مشكـلـة النطـيـح ونطيـحـه

ولا له على جاره من الفضل ماعون

لــو إن جـيـرانـه تـشــوف الذبـيـحـه

وكـم واحـدٍ جـيـران بيـتـه يحـمـدون

للـجـار ريـــف وللجـمـاعـه منـيـحـه

وكـم واحـدٍ مـنـه الـعـوادي يخـافـون

زبـن المخيـف اللـي كثيـرن فحيـحـه

ربعـه نـهـار الضـيـق فـيـه يـتـذرون

لا جــا نـهـارٍ فـيـه لـجــه وصـيـحـه

وبعض الرجال بهم شريفين وعفون

كـلـن عـلـى مـاقـال يـرجــع لكـيـحـه

وبعض الرجـال بضحكهـم يستغلـون

يجيبـهـا مــن نــوع زلـقــه بطـيـحـه

هـذاك بيـن لـه مـن الـهـرج مـدفـون

خـلــه إلا شـافــك يــزيــن سـمـيـحـه

الـهـرج لــه نـقـال والـــرد لـلـشـون

مـزح الـجـزع يـثـر بكـبـدك جريـحـه

هذا وأنـا مانـي مـن النـاس ملسـون

لاشـك أرفــض مــن تـزايـد جميـحـه

قلتـه وكـل الـنـاس غـيـري يقـولـون

راع الظلـيـمـه لا تـبـاطـى مـطـيـحـه

الشاعر المرحوم / مرشد البذال الرشيدي