يااااطــير رووحي مع رااااعيــك منقاااااااده ومنجره !!!

اطير ياللي على المشراف لك فره..
تعاف نزل الوطا وتعانق القمّه..
تموج حد السما والارض مخضره..
يدله معاك الحزين وينجلي همه..
جزمٍ عزومٍ تريح البال وتسره..
في هدتك تنثر الخفّاق وتلمه..
قلب ( الهواوي) معاك يغادر امقره..
لولا ضلوعه وساع البيد ماضمه..
لقبلت شيخٍ ٍيحب الشعب ويبره..
واليا تعلّيت نجم ويمّتك يمه..
لو ترتحل لك مواعيد الغلا جره
يزمك الوجد للصمان وتزمه
الديرة اللي بوبل الغيث مسمره..
ريحة نفلها يتل القلب ويخمه ..
اعشق ثراها واحبه ذرةٍُ ذره..
لها سلامٍ جميلٍ وافين كمه..
ياطير روحي مع راعيك منجره..
هو غاية القلب ومراده وهو همه..
افز لامن ذكر طاريه مغتره..
ويفز قلبي على طاري بني عمه..
ياطير قلّه يشوف الحال لو مره..
راعيك ماهو بيمي مير انا يمه..
داعية يقطع ثبات الصبر ويزره..
ويخص قلبي بنبض الشوق ويعمه..
وان جابو اسمه ماكن اعرفه بالمره..
اقوم واصد عن مدحه وعن ذمه..
ياطير بعض السوالف حلوةٍ مره..
والهرج لولا القلوب السود لتمه..
لكن اخاف المعادي واتقي شره..
وكبود رويانة بالغل منسمه..
ولاّانت ياطير حر وغايتك حره..
يالنادر اللي فصيلة دمك بدمّه.


>> ألا ياليتـــني طير(ن) وأحوووووم بكل وادي بلا منقاد ومشووووووووووره


تقبلوووووووا احترااامي ...



اختكم : عـــشــق الــبداووووه ...