خاص للود

وحبيت اشارك بالابيات هذي لشاعر عبد الكريم المهنا

كان المقاديـر ساقـت " ود " مـن يمـي
فـ... الله كريمٍ يسوق الي الرجــــاء فيهـا

وأقطف كرز " ود " وآكـل منـه وأسمـي
وأشرب غدير الغـلا مـن راحـــــت يديهـا

وأمسح عرقها علـى ثوبـــي جهـة كمـي
وأبيـع صافـي شبـاب العمـــــر وأشريهـا

وأحنـي كفوفهـا الغضــــات مــــن دمــي
وأروّح تـرابٍ مشـت فوقــــه مواطيـهــــا

سبحان من ساق حب الـ"ود "في دمـي
حتـى غـدى مدمعــــــي بالوجــــد يبكيـهـا

ماصار ذا عشق ...!! صار خبال ياعمـي
أجل وأنا في غفــــــاة النــــوم أنــــاديهـا

أنثر قوافـي الشعـــر لعيونـك ... ولمــــي
طروقٍ " محيسن عجز يرقـى علاويهـا

غلاي الأول لـ" أبوي " وتابعتـه " أُمـي
والثالـثـــــة " ود " يــــاربــي تخلـيـهــــا

كن إسـم " ود " إنكتب على طرف فمي
ماسقت لي هرجـةٍ مــــن غيـر مطريهـا

إن فارقتني رقـص مـن فـــرحتـه همـي
وإن جـت فانــــا حالـفٍ مــاعـاد أخليهـا

ترى الهجر والجفى هـو بغضـي وسمـي
أقـــــدام رجلـي لجــــل وصلـك محفيـهـا

ياضحكة الوقت تمـــي ضحكتـك ... تمـي
مغـيـر أحـــــــــــايـل لياليـهـا واهاديـهـا