مقتطفات شعرية

لعنبوك ان مت بيدك وش يفكك من أخواني ... لحزنو ربعي علي وش اللي تستفيده


أبك أنا لاشفت خلي حط غيري في مكاني...والله اني لأتركه وان صد لاعشق سيد سيده


قنوع بمظهري والسم مايذبح ثعابينه**على قول المثل صحيح ماني حلو لكن ماني شين
 

طموحي بس اجي واظفر بشي تستحقينه**تدينته , تسلفته , سرقته, مو مهم منين
 

تخونين وتبين ارضى واحد يرضى تخونينه.. انا لاجيت اخونك مع حبيبه ثانيه ترضين!!


واذا قصدك تهين اسمي عشان اتشمت العذال .. حشى لنته ولا غيرك ولا عشرة من اشكالك
 
ما هقيت أن الهوى عذب قلوب الرجال .. لين ضاع القلب مني وتفكيري سوى

ملعون ابو العشق دام العشق دلعها .. لاصارت البنت تامر وتنهينا
 

اذا عندك بعادي عيد ترى عندي جفاك أعياد..وعسى طول الجفا مني يلين قلبك الجامد


انا خايف ليا طاح الجمل تكثر سكاكينه..وانا ما عادت اضلوعي تحمل طعنة السكين


كل عاذل ردني عنك يالطرف الكحيل** ياعسى الله يقلعه يا عسى الله يقلعه
يامعرض قلب الاحباب للدرب الطويل** السعه لا بارك الله بالضيق السعه


اشتكيته للرفوف وللبراويز الهزيله وانذعرت من النياح اللي سمعته في صورها
رحت اسولف للجبال الصم عن قصة رحيله ماتركت متونها الا ينحت الدمع بصخرها



ولا اناقررت اسافر وامتطي ظهر السفينه***لان مابه شي واحد يستحق اقعد عشانه


ياكبري بعيني وانا توني شاب..وأهم كتاب الشعر حاربوني
حتى ولو يهوي على نجمي شهاب..يكفيني إن اسمي كبيربعيوني
كد قال ابوي ان هبتهم قول ماهاب..ولو يقدرونك قول ماتقدروني


مشكله لا جات حاجتك بيدين البخيل..ما يفكك لين تدفع كثر ما يدفعه


والعذاب اللي يذوب بعين من يفقد خليله عندي أكبر من عذاب العين لوتفقد نظرها
والحبيب اللي صدوده مثل مداته جزيله صدعني..واعرفه لاصدعن حاجة هجرها


ليه تطعني وانا ميت بليا ؟..ماكفاك اللي حصلي قبل ساعه ؟..
كن بين همومي وبينك حميا ..جيتكم واحد وجيتوني جماعه !..
انت منا والمصايب من هنيا ..كلكم ضدي ترى ماهي شجاعه !!


لا جميل شفت قبله ولا بعده جميل العذارى رهن رمشه وانا رهن اصبعه..
والله انه لوطلبني طلوع المستحيل لاطلعه مني منا يعني لاطلعه !!



موت فيني واندفن فيك بثياب الحداد وان حييت اموت لرضاك واحيابك بهون ..


ان روحوو فانا بري منهم ليوم الحساب وان جرحوو قولو لهم ماحركو فيني شعره
شفهم لهم حول السنه ولاخذو مني جواب احسن دوا للي يحاول يستفزك تحقره ..


حناكذا بمعارض الراي شطار لين استوى بالمجد عالي ومطمون


ماتقبلت الفراق ولاليدي فيه حيلة آه لوان الظروف المقبلة تكشف قدرها
لويعرف الشخص مناوش مع الغيب بيجيله كان جنبناالمشاكل من قبل يوقع ضررها
ماهقيت الليله اللي جابت الفرقا طويلة لين صارت ليلة امس بعيني اطول من شهرها


دايم إعرف كل شاعر يهيم بكل واد وانهم دايم يقولون مالا يفعلون


من يسوي بي سواتك يالرهيف الاسمراني منهو من الناس غيرك غلطته ترفع رصيده !!


جادل كن الجمال قبالها كتف ايدينه والقمر لو شاورتله ينزح وتقعد مكانه


ابدوي ما يقود أهل الردا شد الاحبال يعسف اليد الشحيحه للعطا حتى اتلين


لوتحن المشاكل عقب حب الخشوم كان حبيّت خشم المشكلة وإستحت



غريبة كل حلم يمر برقادي تزورينه والاغرب كيف احلم الحلم وارجع واحلمة بعدين
قبل يومين شفتك بالمنام وقمت من حينه ونمت امس ورجع نفس المنام اللي قبل يومين



ما بقي إلا سود الايام تحرمك الرقاد كيف الاوهام إتجراء تسريك مغبون



شف غيابك وش يسوي بالصدور وبالمباني وانت تدري كيف كانت صدمة غيابك شديدة
والله انك لو وصلت البيت متأخر ثواني ماتشوف الا بقايا من حصاه ومن حديده


الي يخاف من الظما يترك لنا طرد السرااب واللي ماهو بقد الظلام ووحشته لايسهره


في هالزمن مايملي عيون الحسود الا التراب ولا االحظيظ الطلقه الي ماتصيبه تذعره


لو ماني ذيب .. نهشت عظمي ذياب لو ما قدرت اثبت وجودي .. لغوني ..


اذا استضعفتك املاكة وشتتك ملايينه انا حتى فتات الخبزة اقسمها معك نصين !!


تمسيني على الهم وتصبحني على الغربال تقلطني فناجينك ونقصر عني دلالك


لا بارك الله في رفيق تزعله كلمة عتاب ولا جمع الله الرجال اللي تفرقهم مره


سطى ذيب على المرعى وسلمت بخافقن مفزوع وفدوه لويموت القطيع ويسلم الراعي


اذكر اني كنت عايش بالليالي الاولية واذكر اني وقتها كنت عايش باحضان غابة
ماعرفت الا عبارة مثلها مثل الوصية عيش عمرك ذيب تسلم من مخاليب الذيابة


مشكلة لا صار عاذلك ما يبرد غليل لا ترده طيب كلمه , ولا أحد يمنعه

تخيل من كثرماأخاف تلقى للزعل مدخال أخاف أخطي على طيفك وادوس برجلي ظلالك


دايم أعرف كل شاعر يهيم بكل واد وانهم دايم يقولون مالا يفعلون
حتى انا الي قلت أعشقك وما اطيق البعاد يمكن اطلع ما عشقتك ولا هم يحزنون


بلمك وانثرك واجمعك وارجع وانثرك بهمال بخونك وازعلك وارضيك وازعل منك وارضالك..


لا باس أنا يالغالية قلتها لك من قلب يخلص لك يودك ويغليك
ياليتني كنت المنوم بدالك وليت المرض يابنت فيني ولا فيك


زعلك وارهن حياتي تحت رحمة زناد تهبا لا والله الا انت والموت تهبون


ما هقيت ان السعاده خيال في خيال تروي قلوب الحبايب وقلبي ما روى

ما هقيت ان السعاده خيال في خيال تروي قلوب الحبايب وقلبي ما روى


ترى حلاتك لاحملت لصاحبك كلمة عتاب أن مانطقت بها بوجهه ماتذمه بظهره


مابغيتى أطيح بيده لين ماربي بلاني ولا أنا لو هي بكيفي مابغيت أطيح بيده


عقالنا معهم من العلم مقدار ومجنونا ينطح ثمنين مجنون


ارض تدوس امي بالاقدام رملها اموت فيها واندفن في ارمالها


وش بغيت أمر تمنى لايغرك صغر سني شايف نجوم الثريا 00جبتها لك لو بغيت 00


أنت مثل البحر تعطي والعطا ثقل وتأني بس هو يعطي و يأخذ وأنت ما عمرك خذيت


علمتهم واشلوب الاهداف تنصاب ولما سواعدهم قوة صوبوني


عاشقن والعشق بلوه واشهد ان الحال حال ولاتركتي رحمة الله ولاعرفتي ترحمين


اذا حبك هبال اطفال لك عندي هبال اطفال ولا --- وابشر بعد بهبال حب ٍما هو بهبالك


لو تزيد الشوق جمرة تحولني رماد لو يزيد العشق شعرة بوصل للجنون


انت منت اللي عشقته انت اكييد انساان ثااني كيف صرت بهالبروود وهالاحااسيس البلييده


الله العالم لو انك جيت متأخر ثواني ماتشوف الا بقايا من حصااه ومن حديده


لوكان بقلوب العرب صبر واصرار ماكان سووا فيكم اللي يسوون

الف تحيه للشاعر الرائع
حامد زيد
تحياتي لكم