.*مجمووعه قصائد ثـامر شـبـيـب

[bor=#002bff]

لاتسئليـنـي عـــن سـبــب

للشـاعـر ثـامــر شـبـيـب

لاتسئليني عن سبب ضيقـة البـال..........مبطي وانا ماذقـت طعـم السعـاده

ظروف خلت حالتي ماهـي بحـال..........كافحـت ليمـا مابقـت بـي إراده

بنيت لي في عالـم الصبـر تمثـال...........وباد الزمن تمثـال صبـري إبـاده

حاولت اوسع خاطري بلعب الاطفال...........وكل ماسليت شوي ضاقـت زيـاده

لو المشاكل حلهـا الدمـع لا سـال..........استغفر الله .. صار دمعـي عبـاده

لبكي بكا .. ضيقه ولوعه وغربـال..........مابكي بكا .. خوف ٍ وذل وشـراده

يابنت .. وديار البدو عشب ورمـال.........ومسرى بليـا شـور كلـه جهـاده

وانا سريت بـوادي ٍ فوقـه جبـال..........الحر ماشاف الشبـك يـوم صـاده

فيني بدوي طبعه ورى الخير رحال.........اكثر مقيمه فـوق مركـب شـداده

يشد وينـزل كـل فتـره بمنـزال..........قربه صعب جـدا وسهـل ابتعـاده

ان قال فرقا .. ماتراجع اليـا قـال..........ماتقـدر الدنيـا تكـسـر عـنـاده

فينا الولد .. يسـوا ثمانيـن رجـال..........فينا الكرم .. خلقـه وسنـه وعـاده

وبالعشق اخذت اللي مواصيفها ثقال..........في زينها ماهـي بحاجـة شهـاده

حبيبتـي .. مازينوهـا بسلـسـال..........من زود ماتبـرق تضيـع القـلاده

اسود شعرها .. للبست فوقه الشـال..........الشال الاسود .. ينصدم من سـواده

ارجولها خلخال .. من دون خلخـال..........خلقتها لفت انظار .. ماهي عمـاده

لو نفترض مرت على شارع الجال..........فاض البحـر يشكـي عليهـا وداده

الارض تهتز حدرها هـز زلـزال..........زلزالهاتعشـق حـدوثـه بــلاده

فيها الحلا .. عايل على كلها عـال..........ان سولفـت بالليـل انسـى رقـاده

بس المصيبه حظك الشيـن لا مـال..........اليـارقـد يابـعـد والله قـعـاده

وانا مع حظي .. بعض ناس عـذال.........زادوا علي .. مـن النكـاده نكـاده

صحيح انا عايش .. ولو الحزن طال.........الحمـد لله والشـكـر والشـهـاده

الفضل لله .. عزني بكـل الاحـوال.........ماذلنـي بحاجـه تشمـت إعبـاده

مير البلا ضيقات الـوان واشكـال..........لاجنـي خلنـي طريـح الوسـاده

هذ انـا . ياناشدتنـي عـن الحـال..........من كثر ضيقاتي نسيت السعـاااااده

[/bor]











[bor=#ff0000]

تـــــدري وش اكــبـــر

للـشـاعـر ثـامــر شـبـيـب

تدري وش اكبر صدمتن تنصدمهـا. . . . . لا حتجت لك غالي وقـام يتصـدد

علاقـة العشـره بلحظـه هدمهـا. . . . . من شـان حاجـه للمفـارق تهـدد

وكانه ندم .. مافـاد نـاسٍ ندمهـا. . . . . مافات مات .. ولا يفيـد ان تـودد

جعله فـدا نـاسٍ مواطـي قدمهـا. . . . . تسوالهـا ديـره وحـكـمٍ مـشـدد

ناسٍ تساوت روسهـا مـع خدمهـا. . . . . زمانهـا راحـت عليـه وتـجـدد

اطلال صارت .. جاء زمان وردمها. . . . . حتـى مكـان اطلالهـا مايتـحـدد

وجودهـا ماهـوب يشبـه عدمهـا. . . . . على الاقـل اليـا عطـت ماتـردد

ماهيب مثل اللي ربوعـه صدمهـا. . . . . لاجاه فـي حاجـه رفيقـه تصـدد

[/bor]









[bor=#ff0000]

لا تـنـصــدم مــاعـــدت

للشـاعـر ثـامــر شـبـيـب

لا تنصدم ماعـدت شـي بحياتـي . . . . . كلك على بعضك كرهتـك وعفتـك

مابيك لـو انـه وجـودك غناتـي . . . . . حذفت انا اسمك من سجلي وحذفتـك

صارت حياتي معك تشبـه مماتـي . . . . . مافيك حاجـه طيّبـه لا وصفتـك

عمر الخطا ماكان نـوع بصفاتـي . . . . . حتى مشيت العـام دربـك وشفتـك

انا غلطـت بحـق نفسـي وذاتـي . . . . . غلطه بدت من يوم جبتك وضفتـك

داخل خفـوقٍ حـط حبـك مناتـي . . . . . كبرك في عيني وجيـت وعرفتـك

وصرت القريب اللي .. شتاته شتاتي . . . . . جرفتني كلـي .. وكلـك جرفتـك

لكن خساره منـت كفـوْ لسواتـي . . . . . اللي حصـل بيّـن رداك وكشفتـك

تدري بصراحه ايش غلطة حياتـي . . . . . انـي نزلـت لمستـواك وعرفتـك

[/bor]









[bor=#ff0000]

لاتـلـومـنــي لاجــيـــت

للشـاعـر ثـامــر شـبـيـب

لاتلومني لاجيت كلي مـن اقصـاي . . . . . مافيـه غيـرك لاتضايقـت جيتـه

جيتك ولاغيرك ذكرتـه بمسـراي . . . . . جيتك وكل انسـان غيـرك نسيتـه

جيتك وانا ماني بأنا تايـه الـراي . . . . . جيتك وانا مدري وش اللـي بغيتـه

جيتك وقلبي دقتـه تسبـق خطـاي . . . . . جيتـك اقـول مفارقـك ماقويتـه

ان مر يومٍ بالعمـر منـت ويـاي . . . . . اشتاق لك شـوق المسافـر لبيتـه

مثل الهوا تحتاجه النـاس والمـاي . . . . . يحتاج لك قلـبٍ هـواك وهويتـه

دامك معي ماقصرت يـوم دنيـاي . . . . . دامي خذيتـك وش بقـا ماخذيتـه

وانكان تنشدني بعد ليه انـا جـاي . . . . . ابشـر بـردٍ يقنـعـك لاقريـتـه

جيت اعترف بالفرق يا اخر منـاي . . . . . بينك وبين اللـي عشانـك جفيتـه

اني ليامن جيت لك ( همك رضاي ) . . . . . واني ليامن جيـت لـه ( مالقيتـه )

لاتلومني لاجيت كلي مـن اقصـاي . . . . . مافيـه غيـرك لاتضايقـت جيتـه

[/bor]









[bor=#ff0000]

زهـقــت انــــا مــنــك

للـشـاعـر ثـامــر شـبـيـب

زهقت انا منـك كرهتـك ومليـت . . . . . تعبت من شكـك وكثـرة ظنونـك

من كثرة اسئلتـك احـس استجنيـت . . . . . ياخـي دخيـل الله ذبحنـي جنونـك

مليون مره انت في حقـي اخطيـت . . . . . لو غبت ساعه تفكـر انـي اخونـك

وانـا ولا مـره خذلتـك وزلـيـت . . . . . تخيّل انـي بـس عايـش اصونـك

عيني تصير ان ضقت من بيتك البيت . . . . . وقلبي يصير الكون لاضاق كونـك

واللي صدمنـي لا بغيتـك تخليـت . . . . . وانا الذي لاضقت واحتجت عونـك

تقول لو تطلب عيوني لـك اعطيـت . . . . . وش فايدة شوفي حبيبـي بدونـك .؟

وطلبت منك شي عـادي وصديـت . . . . . وشلون لو اني طلبتـك عيونـك ؟؟؟

[/bor]









[bor=#ff0000]

ادري مــع غـيـري تخونـيـنـي

للـشـاعـر ثـامــر شـبـيــب

ماودي اقلبهـا علـى راسـك الحيـن . . . . . ولاودي اسكت عنك .. واجرح ضميري

جوني وقالـوا عنـك نـاسٍ كثيريـن . . . . . كلام يكبر عنـه .. حتـي الصغيـري

قالـوا نستـك : وقلـت والله لتموتيـن . . . . . وللحيـن باقـي لـي بقلبـك كثيـري

ابسألـك وشلـون يعـنـي بتنسـيـن؟ . . . . . ولحمة كتافك .. كابره بفضل خيـري

قالوا تبيها : وقلت يمكـن مـن سنيـن . . . . . يومه مصيرك مرتبط مـع مصيـري

انتي .. مثل طيـرٍ كسيـر الجناحيـن . . . . . جبرت كسره عقـب ماهـو كسيـري

قالوا تخونـك : قلـت طبـع الردييـن . . . . . طبع الخيانـه مـن الردايـا يصيـري

كل يوم وانتـى ألـف مـره تخونيـن . . . . . ماهـي غريبـه خيانتـك للعشـيـري

ادري مـع غيـري تخونينـي الحيـن . . . . . وادري بعـد ساعـه تخونيـن غيـري

[/bor]










[bor=#3300ff]

اضــحـــك حـبـيــبــي

للـشـاعـر ثـامــر شـبـيـب

راسك علامك رافعه يـوم احاكيـك . . . . . الضاهر اني فوق حجمـك عطيتـك

لحظه .. نبي نرجع دقيقه لماضيـك . . . . . بذكـرك فـي أي حـالـه لقيـتـك

كان الضيـاع ودمعتينـك تخاويـك . . . . . منهار وفي عـز انهيـارك خذيتـك

وارخصت عمري لجل احبك واداريك . . . . . هدمت قصـر الـذل فيـك وبنيتـك

كـان الغـلا شمعـه تنـور لياليـك . . . . . لو اظلمت دنياك جيـت وضويتـك

يالاسف كنت امدحك وافتخـر فيـك . . . . . رفعت من شانـك وعليـت صيتـك

كنت انت .. عندي غير مقدر اخليـك . . . . . اموت واحيا ان قلـت سـم وفديتـك

واليوم اشوفك خنت حتـى مباديـك . . . . . صغرت في عيني وانا اللي هويتـك

الضيـف لـو انـه عـدوٍ معاديـك . . . . . غصبٍ عليك تقـدره وسـط بيتـك

ياصاحبي بتمـوت مانـي براجيـك . . . . . واشره علي انكـان حتـى طريتـك

لاصار ذل النفس في قلـب يغليـك . . . . . يلعنـك ياقلـب ٍ عشقـك وشريتـك

اضحك حبيبـي دام وقتـك مسليـك . . . . . بكره تموت مـن القهـر لا نسيتـك

[/bor]








[bor=#0048ff]

لـــسّــــاك فــــاكــــر

للـشـاعـر ثــامــر شـبـيــب

كان الوعد باكـر وانـا جيـت باكـر . . . . . شايل معي موعـد وماضـي وتذكـار

قالت بلهجـه غيـر ( لسّـاك فاكـر ) . . . . . تضحك .. وانا واقف وانا شبه منهـار

بغيت اقول .. وقالت : بصـوت ناكـر . . . . . ( اصلا انا مذكر معك موعد ٍ صـار )

قلت اسمعي منـي وانـا اكـون شاكـر . . . . . انا اللذي حطيـت لـك بـاب واجـدار

واليـوم يـوم اصبـح وراك العساكـر . . . . . رفعتي راسك فوق بهتـان وانكـار !!!

قالت وهي تضحك على اسلـوب ماكـر . . . . . ( صدقت انا اضحك معك ياشمعة الدار )

قلـت الحقيقـه واضحـه إبـلا تذاكـر . . . . . ماكـل منهـو زل يلقـا لـه اعــذار

وانتـي نسيتينـي وانـا كنـت فاكـر . . . . . اني بجـي ويكـون طعـم اللقـا حـار

لكـن وعـد منـي اذا عشـت بـاكـر . . . . . ماعاد لـك موعـد وماضـي وتذكـار

[/bor]









[bor=#000dff]

عـــادي مـعــك ابـقــا

للشـاعـر ثـامــر شـبـيـب

عادي معك أبقا وعـادي اخليـك . . . . . مثلك مثل غيرك مجـرد صداقـه

ماشوف عندي احساس متمسكٍ فيك . . . . . اقل من عـادي معـاك العلاقـه

غبتي حضرتي خافقي مايحاتيـك . . . . . القلـب مابيّـن عليـك اشتيـاقـه

انتى تنادينـي وغيـري يناديـك . . . . . الحـب منـك ماسرقتـه سراقـه

لاتحسبين اللي يزعلـك يرضيـك . . . . . ولاكـل طاقـه بتقـارن بطاقـه

انا وبس .. اللي اجيبـك ووديـك . . . . .وانتى على قربي تجيـك الشفاقـه

انا بديتك برجع الحيـن وانهيـك . . . . . انسان مثلـك سهـل جـدا فراقـه

من دنيتي هالحين ببعدك وانفيـك . . . . . ابعيد يااالله بعيـد كافـي طفاقـه

ادري جرحتك يوم انا قلت‍‍‍ مابيـك . . . . . والجرح يبطي لـو تغيـر مذاقـه

مستغربه من ايش حضرت معاليك . . . . . هـذا سلوبـي لا نعيـت العلاقـه

[/bor]











[bor=#1100ff]

سبحـان مــن خــلاك عــادي

للـشـاعـر ثـامــر شـبـيـب

منك السموحـه والعـذر ياضنينـي . . . . . النفس طابـت ليـن قلبـي عذرهـا

ماعـاد باقـي شـي بينـك وبينـي . . . . . وانكان لك حاجه تعـال اختصرهـا

اخذت من عمـري حـلاوة سنينـي . . . . . كافي علـى قلبـك اليامـن ذكرهـا

غصب الفراق يصير ماهـو بدينـي . . . . . اقـدار مكتوبـه ولاحـد(ن) قدرهـا

توك تجي .. واتقـول انـك تبينـي . . . . . وين انت يوم النفس تشكي كدرها ؟؟؟

كنت اترجـى تتصـل يـوم فينـي . . . . . كنت بحياتي غير .. قبـل اتهجرهـا

خلاص لا تتعـب قدمـك وتجينـي . . . . . كنت احترم جيّتك .. وصرت احتقرها

سبحان مـن خـلاك عـادي بعينـي . . . . . من عقب ماكنت انت تسوى نظرهـا

[/bor]










[bor=#0000ff]

ارفـعـك بـيــدي للـسـمـاء

للشـاعـر ثـامــر شـبـيـب

لاجيـت افكـر بالوجيـه المفاليـح . . . . . وفرقت بين الناس عالي و واطـي

فكرّت بك ضمن الوجيه المشافيـح . . . . . متقلطـن ببسـاط ماهـو بساطـي

علاقتي ويـاك تحتـاج توضيـح . . . . . من شفت في بعض الامور اختلاطي

مثلك خطا يحتاج وقفـه وتصحيـح . . . . . بيّن مثل تفريـق ماخـذ وعاطـي

ربيت من صغري على هبة الريـح . . . . . ولبست لي ثوبن كمومـه اخياطـي

يوم انت تلعب في يدين المراجيـح . . . . . انا انطح الضيفان وافرش سماطـي

ماعابني لاصرت ظمن المجاريـح . . . . . اغلا جروحي بين الاظلاع ساطـي

العيب لاسقت القـدم دون تصريـح . . . . . وخليتها بـدرب الردييـن تاطـي

والمشكله انك تحرث النار وتصيـح . . . . . اركد قبـل لافـك عنـك رباطـي

خابرك ماتبعـد قريـب المراويـح . . . . . زايد عن العالـم بكثـر الهياطـي

اكبر طموحك لاتعطـرت بالريـح . . . . . تطلع تمشى بين شاطـي وشاطـي

عندي سؤال وخابرن فيـه تجريـح . . . . . لكن ضروري تسمعـه بأنبساطـي

ارفعك بيدي لسما ترجـع اتطيـح . . . . . قلي شسوي فيك لا صرت واطي .؟

[/bor]