يا طي قلبي طي

يا طي قلبي طـي

ياخي ما شفتـه مـع السـوق ياخـي

ولا ذكـر لـك لـو دونـه مسـافـه

الله يبلـى مـن بلانـي وانـا حــي

بالغصـب طوعنـي بلـيّـا عسـافـه

يا طي قلبي طـي طـيٍ علـى طـي

طي الجرايـد فـي مطابـع صحافـه

عليك يا جافل مـن الريـح يـا ظبـي

يـا شيـن قلبـك مـا بقلبـك مرافـه

كويـت قلبـي كيتيـنٍ عـلـى كــي

بصيـاخ نــار وكلفتـنـي كـلافـه

جرحٍ نجيض وجرح تـوه حـدث نـي

ومامن نيـات الجـرح غيـر الكسافـه

وما يشكي المسكين يا كود مـن شـي

امـا مــرض ولا محـبـة ولافــه

والولف مثل الشمس تلحق على الفـي

وكـم عاشـقٍ نثيـل قـبـره لحـافـه

ومن ناقلين اخبار جانـي خبـر سـي

قالـوا: قمـر عشريـن باكـر زفافـه

واخذت لي مـده وانـا حـن وابكـي

عليـك يـا سـر الشـرف والنظافـه

قالوا: علامك بك بلى ؟ قلت : وش بي!

بـلاي مـن عـذرا ً عليهـا الحسافـه

وهي الحسوفه قالوا : الناس من هي ؟

ثم قلت : ما منكم ولا شخـص شافـه

نـوى يغيـب ونيـة الخيـر تـنـوي

وعفت الوطن يوم ادعج العيـن عافـه

وغاب وسكن شرقي جبل حاتم الطـي

ذاك الجبـل قدمـه وسلمـى خـلافـه

يـوم إن بابـور المحـبـه مـرسـي

الله مـن بـحـرٍ سعـابـه وطـافـه

واليوم بطن البحـر خالـي ومصفـي

انت الذي تهـدم غرامـك وانـا ابنـي

بنيـت قصـرٍ كبـر قصـر الضيافـه

قصرٍ يسجل فيه اسمـك مـع اسمـي

ياللـي درسـت المعرفـه والثقـافـه