ولا تشتكي للخلق وشتك علـى مـولاك

يقولون خلك ذيب ساكت تحيـر اعـداك

وانا قول تجسر شات الاجناب بسكاتـك

تحدث وخلك ذيـب وسلاحـك الفتـاك

رزين الكلام اسلاحك الحـارق الفاتـك

اليا حـل وقتـه لايفوتـك بكـل ادراك

ترى دقة التوقيـت تعبيـر عـن ذاتـك

تغيض البغيض وينشرح خاطـر يبغـاك

تسوس الرجال ابحال وتعرف صيداتـك

قبل لايفوت الفوت ونته علـى مركـاك

توجدك مـا يلحقـك بالركـب لا فاتـك

ولا قول خلـك منطلـق بيـن ذاك وذاك

ترى الناس ما تخفـا عليهـم حركاتـك

يكيلون لك بالصاع كيلٍ يخـض اشـواك

ترنح اليامـا تضـرب الحيـد جمهاتـك

انا اوصيك ثم اوصيك لا يفرحون اعداك

ترى السيف له حدين لاتضيع هوماتـك

مسيرك بضوح الشمس يغني عن الافلاك

تدل الطريق وتختصـر مـن مسافاتـك

تحد الصعـاب ابدافـع للعـلا يشعـاك

طموحك يشكل حد فـي حجـم مئساتـك

على الكايد اضرب لا تحيرت مايخفـاك

كـلام الحكيـم اللـي معانـي معاناتـك

ولا فات عقد الراي لا تمد عود الـراك

تخيب الضنون ولا تجي حسب هقواتـك

ترى في ثياب الاصدقا اعدى تبي تشناك

إليا صار لك ما صـار ياكثـر شماتـك

ولا تشتكي للخلق وشتك علـى مـولاك

اليا عانـك المعبـود حققـت رغباتـك

نصيحة امجرب خل حكمتك فـي دنيـاك

مثل ما تجاز الناس تصبـح امجازاتـك