قلت لي شي ! وش خليت ما قلته

مـا قـلـت لي شي ! وش خليت ما قلته ؟!
اسكت وخـل الكلام لـ جـرحـي الـدامـي

لـو غـيـرك إلـي يـسـولـف مــا تـحـملته
لـكـن عـلـشـان عـيـنـك هـانـت ألامــي

لـلـحـب مـفـهـوم عـمـرك مــا تـخـيـلـتـه
مــا أظـن يـسـتـوعبه تفكيرك السـامي

هــذا الـفـراق الـطـويـل وهـذي أسـئلته
هــذا حـصـاد الـسنـيـن و هـذي أيـامــي

يـامــا ويـامــا عـلـيــك الــبــال طـولــتــه
والعمر عدى وأنا عـايـش على أوهـامي

حـتـى طـريـق الـفـراق إللي تـساهـلته
لقيته أصعب على نفسي مـن أقدامي

اصـــبـــر شــوي لـــو دمـي تــثــاقــلـتـه
بـحـاول أسـتـوعـب اللي صــار قـدامــي

الـحـب ضـحـكـه بـعـيـنـك بس مـا طلته
عمرك بهالكون شفته أبسط من أحلامي!

الـقـلـب لو ما خـفق لك كان ما شلته
ولو ما أنت ملهم قصيدي جفت أقلامي


الـعــام طـاري غـيـابـك مــا تـقـبـلـتـه
واليوم حرماني أصبح مصدر إلهـامي

لا تعتذر لي وبنسى كـل مــا قـلـتـه
وش ينفع العذر لامن ضاعت أيـامي
متعب التركي