ان رحت يامرحبا وان جيت خللك خفيف

علمني الوقت كيف اضحك معه لـو قسـى

وعلمته ان المواقـف تستفـز الضعيـف

وعلمني الصبر في رجوى لعـل وعسـى

وعلمته ان الرياح بصيـف والا بخريـف

وعلمني انسى ولو قلبـي عجـز مانسـى

وعلمته ان الهقـاوي دون حـد الرهيـف

لك مني اجمل تحيـه كـل صبـح ومسـى

وان قلطوك بطرف صدري لك اكبر مضيف

ياهل القطيف ان نشدكم واحد(ن) بالحسـى

قولو ترى السلم واحد بالحسى والقطيـف

الراسيه راسيه والراسـي ان مـا رسـى

ترسي عليه الرواسي لين يصبـح كسيـف

من يطرق البيد خالي ماحسـب واحتسـى

يندم قهر يوم ماينفـع مـع الجـو كيـف

ياراس مال القصايد من هرج بـك خسـى

ياباهـي الخـد يـاراع القـوام اللطيـف

دنياي صارت على مرسـاك هـم وأسـى

وان صحت صد الشموخ وقام يرهف رهيف

شفني رفعت البيـارق والخفـوق اكتسـى

ان رحت يامرحبا وان جيت خلـك خفيـف