آآآآآآآآآخر كلااااااااااام

شفني وأنا مقفي على كثر ماغليك - محمد بن فطيس


الله يجازي من يسوي سواتك
وبذنوب من سوا سواتك يجازيك

مشيت درب الثقل و تحب ذاتك
ما تدري انه للمهالك يوديك

وغرك جمالك يا خسارة حلاتك
ما تدري إن ما غير طبعك يحليك

لكن عجزت أغيرك يا جراتك
على الغياب اللي بلا عذر ينجيك

خطاي في توضيح وش هي غلاتك
وخطاك في توضيح وشو تغليك

وشلون توصيني و تنسى وصاتك
و تصد عن صوتن تقطع يناديك

ما فاتك التجريح والعذر فاتك
و تبغي رضاي الحين ما عاد يمديك

صحيح أحبك بس هذي جزاتك
بعلمك درسن يفيدك و يحييك

تدري وش أبيض من خفوقك عباتك
وتدري وش اللي غيرنظرتي فيك

أدري بتستغرب تصبر و جاتك
قصيدة من واحدن كان يبغيك

و تبغي تناظر و انت عايش مماتك
شف وحدتك و الناس تجلس حواليك

وتبغي تشوف أشجع رجل في حياتك
شفني وأنا مقفي على كثر ماغليك


من الآآآآآآآآآآآخر
الشعور اللي تجاهك
وتلومني فيك