تعال لي كلك

السلام
عليكم ورحمة الله وبركاته
اسعد الله أيامكم بالمسرات جميعاً
متوضعه عسى ان تنال إعجابكم

[poem=font="mudir mt,6,black,bold,normal" bkcolor="transparent" bkimage="" border="inset,8,burlywood" type=2 line=0 align=center use=ex num="0,black""]
تعال لي كلك وأنا أجيـك كـلّ لـي=ننفض غبار الوقت والعمر ملحـوق
اقلط وتعرف واجبـك فـي محلّـي=بين الثرياء والثرى هامتـك فـوق
عيني ترحـب بـك وقلبـي يهلّـي=أهلا وسهلا فيك من خافق الشـوق
اجلس على حشمـه وعـز وتغلّـي=آمـر تدلـل يابعـد كـل مخلـوق
قلّ لي وش اللي خاطرك فيه قلّ لي=وأسوق لك فنجال عذب الهوى سوق
وألا الهـزو والمهزلـه والتبـلّـي=ماهي طبايع قلب خالي من البـوق
يامن خيالك صارلـي مثـل ظلّـي=لو إن مال أهل الهوى سلم وحقوق
لاغبت عني يابعـد كـل مـن لّـي=اعيش أنا والهم والحـزن والعـوق
من كثر شوقي ياسبـب ماحصلّـي=ناديت لك صوتي من الضيق مخنوق
منك العذاب اللـي حصـل جايزلّـي=أنت اعتبرك العين وأنا لها المـوق
حبـك بقلبـي عقدتـه ماتحـلّـي=وسط الخلايـا دونهـا دم وعـروق
[/poem]

وسلامتكم من كل شر

عايض الرشيدي


صح لسانك و طاب وجدانك ،
إبداع متجدد كالعادة و قصيدة وافية من شاعر ٍ وافي ،


تقبل مروري .

عاااايض ...

صح لسااااانك .. قصيده جزله ..

و جااااازت لي بعد ..

لاهنت على نقلها ...

تحيااااااااتي لك ...

ونت سالم
صح السانك
قصيده وكلمات متواجده
بصطور الشعر وعذوبة الشاعر
اخوي عايض قصيده رائعه
بي ماتحتوي من جزل الكلمات

تحياتي وخالص تقديري وحترامي

الشاعر/ عايض الرشيدي
صح لسانك الله يعطيك العافية على هذا القصيدة
وتقبل فائق تحياتي

الشاعر عايض
كل حرف عن قصيده وكل شطر مفرده
فلك تحيه من اعماق الساطي
على هذه القصيده التى تمثل صاحبها
شكررررررررررررررررررررررراعلى الابداااع

الشاعر عايض الرشيدي ان اكبر انجاز حققته في الشبكه العنكبوتيه هو معرفتي بك
شاعر تستحق المتابعه لا تعرف الخيال وتكتب من واقع محيط بك وهذا ما يشدني لك اكثر
من القلب شكرا
تحيتي حب الغموض