علامك يادهر

السلام

عليكم ورحمة الله وبركاته

أسعدالله أيامكم بالمسرات

متواضعه معبره عن ماتحتوي طيّاتها

عسى ان تنال إعجابكم وأذواقكم الراقيه

القصيده بالصوت



[poem=font="Mudir MT,6,black,bold,normal" bkcolor="transparent" bkimage="" border="inset,8,burlywood" type=2 line=0 align=center use=ex num="0,black""]

سنا ناري قبستـه مـن سناهـم=امـاري وأفتخـر فـي مبتداهـم

اركّـز فـي سوالفهـم واسجـل=وأنا ذاك الزمان أصغـر ضناهـم

يا أبو مدح وعزاوي ما أنت الأول=ترى غيرك سرى كان أنت جاهم

تحسب إنك سبقت الناس بـدري=مع أهل الخيـل ياشقـرا وراهـم

لهم شرهـه وشرهتهـم كبيـره=بعيـد الشـك مايدخـل حماهـم

يعيّرنـي قليـل العـرف فيهـم=عقب كبرت جنوبه فـي ذراهـم

سلك عن دربهـم درب المهونـه=ردي الحـظ مايلحـق جـزاهـم

كتبهـم هافـي الذمـه مسلسـل=ويوم إنـه كتبهم ماقـراهـم

وإذا صح الصحيح أقول وأشهـد=وسيع العـرف مايجحـد ثناهـم

اشوف ارسومهم تسفـي عليهـا=رمال من البطى يالعيـن هاهـم

اقدم خطوتـي وآقـف وأناظـر=واعزي قلبـي اللـي مانساهـم

الآ ياعـد قـل لـي زاد حزنـي=شقى قلبي تحمَـل مـن شقاهـم

اشوف إلهم بقايـا فـي جنابـك=بقايـا دلوهـم معهـا رشاهـم

يقطَـع مهجتـي ولفـي عليهـم=اقلـد سلمهـم وأشهـر غلاهـم

لكني صرت مثـل اللـي ينـادي=بمهمه يسمـع صيـاح وهماهـم

تحيط أبـه الجبـال بكـل يمـه=صدى صوته يزلزل من صداهـم

ماغير اديارهـم قفـر(ن) بلاقـع=تنشدنـي متـى خبـري معاهـم

وأنا خبري بهم عالـق بذهنـي=لكـن الوقـت ماهـو بالتفاهـم

علامك يادهر وش جـاك منهـم=ألومك ليه ماتـكـرم لحـاهـم

سواد اجباههـم رمـز الشهامـه=وبياض اوجيههم يحمـي قفاهـم

فقـارا مـال وأنفسهـم غنيـه=ولا باعـوا شرفهـم بالـدراهـم

اسـأل الله يسكنـهـم جنـانـه=عسى حسناتهم تمحـى خطاهـم



[/poem]

الشاعر عايض الرشيدي
صح السانك على هذا الدرة الراااائع

أبو عارف

صح السانك وبيض الله وجهك شامخ ولا تجيب غير الشامخه

سجل اعجابي بهذه الجزله أيها الشاعر الجزل

وتقبل خالص الود والتقدير

شاعرنا الغالي العزيز على قلوبنا عايض المهيمزي الرشيدي
شاعر لك تاريخك فحل من فحول الشعراء لا تكتب سوى
من واقع ملموس وقمت بمحاربة شعر الخيال هذاا مايتبين
من اغلب قصائدك التي اعتبرها وبكل صراحه درر نادره لاتباع باغلى الاثمان هذا الكلام ليس مجامله بل صريح واكبر دليل هذه القصيده التي تتكلم عن نفسها
بمعاني شاعريه تملكتها العاطفه القويه التي يتمتع بها شاعرنا عايض الرشيدي
من القلب شكرا واتمنى ان احتفظ بجميع قصائدك في محفظتي الخاصه بالشعر
تحيتي حب الغموض

اقتباس:
المشاركة الأصلية كتبت بواسطة لافي بداي
الشاعر عايض الرشيدي
صح السانك على هذا الدرة الراااائع

لافي بداي
ياهلا ومليار غلا
انرت متصفحي بمرورك العطر
صح بدنك من كل شر
أشكرك على حضورك ويشرفني مرورك
لا خلا و لا عدم
فائق الإحترام والتقدير
الله يحفظك ويرعاك
أخوك

اقتباس:
المشاركة الأصلية كتبت بواسطة خاتم المهيمزي
أبو عارف

صح السانك وبيض الله وجهك شامخ ولا تجيب غير الشامخه

سجل اعجابي بهذه الجزله أيها الشاعر الجزل

وتقبل خالص الود والتقدير

ابو عبدالرحمن
ارحب تراحيب المطر
ياهلا ومليار غلا
انرت متصفحي بمرورك العطر
صح بدنك من كل شر
أشكرك على حضورك ويشرفني مرورك
وين صاحبك المجرم مختفي لاحس ولا خبر ههههههههههههه
لا خلا و لا عدم
فائق الإحترام والتقدير
الله يحفظك ويرعاك
أخوك

اقتباس:
المشاركة الأصلية كتبت بواسطة فهد المهيمزي

شاعرنا الغالي العزيز على قلوبنا عايض المهيمزي الرشيدي

شاعر لك تاريخك فحل من فحول الشعراء لا تكتب سوى
من واقع ملموس وقمت بمحاربة شعر الخيال هذاا مايتبين
من اغلب قصائدك التي اعتبرها وبكل صراحه درر نادره لاتباع باغلى الاثمان هذا الكلام ليس مجامله بل صريح واكبر دليل هذه القصيده التي تتكلم عن نفسها
بمعاني شاعريه تملكتها العاطفه القويه التي يتمتع بها شاعرنا عايض الرشيدي
من القلب شكرا واتمنى ان احتفظ بجميع قصائدك في محفظتي الخاصه بالشعر
تحيتي حب الغموض

ابو نافع
ارحب تراحيب المطر
ياهلا ومليار غلا
انرت متصفحي بمرورك العطر
بارك الله فيك على هذه الإشاده والأطراء الجميل وهذا ممايزيد الثقه بالنفس شهاده اعتبرها وسام على صدري
أشكرك على حضورك ويشرفني مرورك المشرّف جدا
لا خلا و لا عدم
فائق الإحترام والتقدير
الله يحفظك ويرعاك
أخوك