للقراءة فقط .........

تعـــبت اقول لــضيقتي سهود ومهود

الــيا متى هالعــذر بيكــون عذري؟

البــارحه يومٍ اكثر العالم رقــــــود

عــادت علي اللي تــجي منيـن مدري

الضــيقه اللي كل ماراحت تعــود

مكــانها مابــين قلبــي وصـــدري

نــاسن تنــام مدهنــه فــي دهن عود

ونـــاسن تنام مدهنــه بــزيت مقري

ماهــوب مثلي من اقــرب انسان مجحود

الله يــسامح من نســى اليــوم ودي

صـد ومـاكأنه عـلى الارض موجـود

مـايدري انـه اوول اسبـاب كسـري

كـل ماطـرالي قلت: يـجي يـوم ويـعود

يـاليـت كل من صـد ماعـاد يـطري

لـو تسـتحي من فعلــها أيـامي السود

كـان استـحت مبـطي ولاطـال صـبري

قدمــت بالمـوجود لخـاطر الجـــود

ليـن التــفت ولابــقا شـي حـدري