المشاعر والجموع

اختلق للحرف معنى وادفنه جوف الظلوع
وارسمه باحداق غيري لين يبتل ابتهاج

الله يعين المعاني ترتجي اليوم الطلوع
والله يهني طموحي في تباريح المزاج

قمت اولع من ضمير للتعابير الشموع
لين ولعت المدينه والضيا جوف السراج

قمت اهني نفسي بعزة خيالي والطبوع
وارتويت الغيره اللي شكلت حولي سياج

ما طمعت بشي لني باللي اختاره قنوع
قانع بحالي كذا حتى لو اعياني العلاج

صعبه اقدم للمنايا وانثني صوب الرجوع
والمشاكل سببت في داخل المخ ارتجاج

اعلنيها يا معاني الشعر في وسط الجموع
اني اشعر فالصميم اليوم للشعر اختلاج

شاعر يغني من الاهات واحساسه يلوع
شكلت لاحزان في قلبه مع الدنيا حراج

ما تعدى نظرة العالم وله مليون نوع
ينثر حروف المآسي لين يكسيها اندماج

تندمج في قلبه المفعم ولا يهوى الخضوع
كم تحيه في ضميره فلت اطراف الحجاج

هم روحه في معاليقه من القسوه يفوع
يوم روحه بالتعامل صافيه مثل الزجاج

الاهانه للشلي قد تعتبر عند الوقوع
بين ناس ما يشابههم سوى وصف النعاج

صح لسانك على هذه القصيده لاهنت

ناصر الشريف
صح لسااانك ..ولاهنت..
’’والله يعطيك العااافيه على هذه الرااائعه..’’
فاني لم أجد لحروفي مكاناً ,,هنا..,
لقد حجزت بإبداعكٍٍ جميع ًالكلماتُ
صفحتك تٍسطع بحرٍوف الإبداع
ومن رحيق قلمك تنساب أعذب الكلمات
جعلتني أبحر في رحلة الصمت
متابعه بوحك..
فلحرفك نغمة تشد السامع وتقرب القلب لها
بحق جعلتني أفتش عن كلمات توفيك حقك

مودتي

ريميه

[gdwl]
صح لسانك
قصيدة تكلم عن مضمونها
واتمنى التوفيق لك
[/gdwl]

الله الله
الشاعر المتميز دائمآ ناصر الشريف

صح الله لسانك وقصيده وافيه من شاعر وافي

تقبل مروري وتحييييييياتي لك

صح لسانك
دمت مبدع

صح االله لساااانك مليون ولا يسدون

قمة الابداع وروعة التعبير نجدها في هذه الشاااامخه

ناصر

لك ارق تحيه